Na miescy restarana chutkaha charčavańnia finskaj sietki Hesburger u Babrujsku adkryŭsia novy pad brendam Yes!Burger. Heta čarhovy prajekt kampanii «Bieł Fud servis», piša błohier koko.by.
Office Life pahladzieŭ, što viadoma ab novaj ustanovie. Pieršaja ŭstanova Yes!Burger adkryłasia siońnia ŭ Babrujsku na vulicy Minskaj, 8. Raniej tam znachodziŭsia restaran finskaj sietki Hesburger. Infarmacyja pra heta jość u Handlovym rejestry.
U sakaviku 2022 hoda finskaja sietka Hesburger zajaviła ab płanach zakryć svaje restarany chutkaha charčavańnia ŭ Biełarusi i Rasii. Na piku ŭ našaj krainie pracavali čatyry punkty pad hetym brendam. U Biełarusi ich raźvivali kampanii «Rynhburhier» i «BiełBurhier». U našaj krainie ŭ krasaviku 2015 hoda byŭ zarehistravany adzin tavarny znak Hesburger. Jaho ŭładalnikam ukazana estonskaja kampanija «Chiesburhier AS».
Pravy na brend Yes!Burger naležać kampanii «Kjuesar Kepitał». U lutym jana padavała zajaŭku na rehistracyju hetaha tavarnaha znaka ŭ Nacyjanalny centr intelektualnaj ułasnaści. Kampanija była zarehistravanaja ŭ kancy listapada 2023 hoda ŭ Minsku. Jana zajmajecca kansultavańniem pa kamiercyjnaj dziejnaści i inšym kansultavańniem pa pytańniach kiravańnia. U kampanii — šeść zasnavalnikaŭ. Heta Siarhiej Ducin, Alaksandr Šuško, Maryja Prakapovič, Vital Kuryła, Dyjana Kuryła-Šyhałava i Siarhiej Šyhałaŭ.
Hetyja ž ludzi fihurujuć u śpisie zasnavalnikaŭ kampanii «Bieł Fud servis». Pry hetym jurydyčny adras «Kjuesar Kepitał» praktyčna całkam supadaje ź juradrasam kampanii «Bieł Fud servis».
Ciapier čytajuć
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA17
Kamientary