Sinoptyk Dźmitryj Rabaŭ paviedamiŭ, što sapraŭdnaja zima ŭ Biełaruś usio ž pryjdzie. Pavodle jaho słoŭ, užo na nastupnym tydni, z 22 pa 28 śniežnia, nadvorje pačnie pastupova źmianiacca: tempieratura ŭ bolšaści rehijonaŭ ustojliva piarojdzie ŭ minus, a apadki buduć pieravažna ŭ vyhladzie śniehu, što pryviadzie da farmiravańnia śniehavoha pokryva.
U pačatku tydnia jašče zachavajecca vobłačnaje nadvorje z daždžami i mokrym śnieham, miescami mahčymyja tumany, hałalod i ślizkija darohi. U paniadziełak nočču čakajecca ad -3 da +2°C, dniom — da +4°C. U aŭtorak tempieratura budzie vahacca ad -2 da +3°C.
Ź siaredziny tydnia istotnych apadkaŭ nie prahnazujecca, ale ŭnačy i ranicaj miescami źjaviacca tuman i hałalodzica. U sieradu nočču słupok termomietra apuścicca da -7°C, a dniom u roznych rehijonach budzie ad -1 da -8°C.
Na Kalady, 25 śniežnia, marazy ŭzmocniacca: unačy tempieratura składzie ad -5 da -11°C, udzień — ad -2 da -8°C. U piatnicu stanie krychu ciaplej, ale ŭsio jašče ź minusavymi značeńniami.
U vychadnyja miescami mahčymyja karotkačasovyja apadki, tuman i ślizkija darohi. Nočču tempieratura moža apuskacca da -10°C, udzień trymacca ŭ miežach -3…-6°C. U niadzielu pavietra prahrejecca nie vyšej za -5°C.
Były ministr kultury Rusłan Čarniecki znajšoŭ sabie padpracoŭku9
Kamientary