Ułady Niepała abviaścili pra zapusk piacihadovaha kompleksnaha płana pa ačystcy Evieresta — samaj vysokaj hary śvietu, jakuju časta nazyvajuć i adnoj z samych zabrudžanych. Pra heta paviedamiła miascovaje vydańnie The Kathmandu Post.
Pavodle źviestak haziety, situacyju z zabrudžvańniem paharšaje źmianieńnie klimatu: z-za tajańnia śniehu i lodu na pavierchniu vychodzić śmiećcie, jakoje doŭhi čas znachodziłasia pad ledavikami, a taksama čałaviečyja pareštki.
Heta pavyšaje ryzyku zabrudžvańnia vodnych basiejnaŭ i stvaraje pahrozu dla zdaroŭja ludziej, jakija žyvuć nižej pa ciačeńni rek.
Prahrama, pradstaŭlenaja Ministerstvam kultury, turyzmu i cyvilnaj avijacyi Niepała, taksama praduhledžvaje vyvučeńnie mahčymaści pieranosu bazavaha łahiera Evieresta. Jon ciapier raźmieščany na ledaviku Kchumbu na vyšyni 5364 m i ciahniecca bolš jak na kiłamietr. Z-za pastajannaha ruchu i rastavańnia lodu hetaja terytoryja robicca asabliva niestabilnaj, asabliva ŭ letni pieryjad.
Padčas viasnovaha alpinisckaha siezona bazavy łahier pieratvarajecca ŭ ščylna zasielenaje namiotavaje miastečka, dzie znachodziacca sotni alpinistaŭ i absłuhovaha piersanału. Vykarystańnie piečak, abahravalnikaŭ i hienierataraŭ istotna ŭzmacniaje nahruzku na navakolnaje asiarodździe.
Kiraŭnik Departamienta turyzmu Chimał Haŭtam zajaviŭ, što ŭrad maje namier acanić mahčymaść pieranosu łahiera, kab zabiaśpiečyć ustojlivaść hornaha masivu. Pavodle jaho słoŭ, ciapierašni łahier pierapoŭnieny i znachodzicca ŭ ekałahična ŭraźlivym miescy.
Raniej Niepał taksama ŭvioŭ bolš strohija praviły dla ŭzychodžańnia na Evierest. Płata za dazvoł na ŭzychodžańnie była pavialičanaja: u viasnovy siezon — da 15 tysiač dalaraŭ, u vosieński — da 7,5 tysiačy, a ŭ zimovy i musonny — da 3,75 tysiačy dołaraŭ. Akramia taho, na kožnych dvuch alpinistaŭ ciapier abaviazkova pavinien być hid.
Termin dziejańnia dazvołaŭ skaročany z 75 da 55 dzion. Alpinistaŭ abaviazali vykarystoŭvać bijaraskładalnyja pakiety dla zboru śmiećcia i zabaranili brać z saboj rečy, nie paznačanyja ŭ aficyjnych dakumientach.
U minułym viasnovym siezonie byŭ vydadzieny 421 dazvoł na ŭzychodžańnie. Kala 600 čałaviek dasiahnuli viaršyni, kala dźviuch tysiač naviedali bazavy łahier. Zahinuli vosiem alpinistaŭ, a ŭsie ekśpiedycyi ŭ sumie pakinuli prykładna 100 ton adkidaŭ.
Siem alpinistaŭ zahinuli ŭ Niepale ŭ vyniku schodu łaviny
Alpinist z Polščy staŭ pieršym čałaviekam, jaki spuściŭsia z Evierestu na łyžach biez kisłarodnych bałonaŭ
Amal 100 hor u Niepale stanuć biaspłatnymi dla ŭzychodžańnia
Niepał budzie dazvalać padymacca na Evierest tolki daśviedčanym alpinistam
Na Eviereście znajšli pareštki alpinista, jaki źnik 100 hadoŭ tamu
Ciapier čytajuć
Łukašenka zajaviŭ pra hatoŭnaść pryjechać u Kijeŭ69
Kamientary
Kažuc`, što Everest zasrali tak, što jon zrabisia na 2 mietry vyšejšy... Užo navat na nizkich kaliaziamnych arbitach smiardzic`, kasmanaūty cvierdziac`...