Hańnie Łukašenka dali premiju «Za duchoŭnaje adradžeńnie»

Uładalniki inšych čatyroch premij «Za duchoŭnaje adradžeńnie»:

• kalektyŭ Sinadalnaha adździeła pa carkoŭnaj dabračynnaści i sacyjalnym słužeńni Biełaruskaj Pravasłaŭnaj Carkvy — za «raźvićcio novych kirunkaŭ sacyjalnaha słužeńnia carkvy i vialiki ŭkład u spravu pastyrskaj apieki»;
• kalektyŭ AAT «Biełrestaŭracyja» — za «zachavańnie i adradžeńnie historyka-kulturnaj spadčyny Biełarusi»;
• aŭtarski kalektyŭ Nacyjanalnaj dziaržaŭnaj teleradyjokampanii ŭ składzie staršyni NDTRK Ivana Ejsmanta, adkaznaha vypuskajučaha adździeła vypusku hałoŭnaj dyrekcyi telekanała «Pieršy infarmacyjny» Hleba Harbacienki i namieśnicy hałoŭnaha dyrektara hałoŭnaj dyrekcyi hetaha telekanała Volhi Makiej —za stvareńnie prapahandysckaha cykłu televizijnych filmaŭ «Čas vybraŭ nas»; 
• staršy ŭčastkovy inśpiektar milicyi adździeła achovy pravaparadku i prafiłaktyki milicyi hramadskaj biaśpieki adździeła ŭnutranych spraŭ Homielskaha rajvykankama, major milicyi Viktar Šypkoŭ — za «asabisty ŭkład u adradžeńnie, zachavańnie i papularyzacyju narodnaj tvorčaści, praviadzieńnie etnahrafičnych daśledavańniaŭ i rekanstrukcyju tradycyjnych śviatočnych kaściumaŭ paŭdniova-ŭschodniaj častki Homielskaha rajona».

Taksama tradycyjna ŭ hety dzień Łukašenka daje i 10 śpiecyjalnych premij, uładalnikami jakich sioleta stali:

• Nacyjanalny akademičny Vialiki teatr opiery i baleta Respubliki Biełaruś — za «značny ŭkład u patryjatyčnaje vychavańnie i stvareńnie tvorčaha prajekta «Patetyčny dziońnik pamiaci»;
• uzorny ansambl tanca «Čabarok» Minskaha dziaržaŭnaha pałaca dziaciej i moładzi — za «vialiki ŭkład u zachavańnie i raźvićcio tradycyj chareahrafičnaha mastactva i aktyŭny ŭdzieł u hramadska-kulturnym žyćci krainy»;
• Brescki teatr lalek — za «značny ŭkład u zachavańnie nacyjanalnych duchoŭnych tradycyj i papularyzacyju maralnych kaštoŭnaściaŭ praz teatralnaje mastactva»;
• Mastoŭskaja rajonnaja biblijateka — za «važny ŭkład u patryjatyčnaje vychavańnie moładzi i realizacyju inavacyjnaha litaraturnaha prajekta «Knihi budujuć MASTY»;
• vykładčyki Maładziečanskaha dziaržaŭnaha muzyčnaha kaledža imia Michała Kleafasa Ahinskaha Ludmiła Vaŭkovič-Borys i Alaksandra Čyrvoncava za adradžeńnie, zachavańnie i raźvićcio tradycyj maładziečanskaj škoły vycinanki;
• mastacki kiraŭnik zasłužanaha kalektyva Respubliki Biełaruś, teatra-studyi kinaakciora Nacyjanalnaj kinastudyi «Biełaruśfilm» Alaksandr Jafremaŭ — za «vialiki asabisty ŭkład u raźvićcio i papularyzacyju biełaruskaha teatralnaha i kinomastactva»;
• lejtenant milicyi, salistka duchavoha arkiestra hałoŭnaha ŭpraŭleńnia ŭnutranych spraŭ Minskaha harvykankama Hanna Błahava — za «asabisty ŭkład u raźvićcio sučasnaha muzyčnaha mastactva i stvareńnie piesień patryjatyčnaj tematyki»;
• vykładčyk Respublikanskaj himnazii-kaledža pry Biełaruskaj dziaržaŭnaj akademii muzyki Tamara Žarava — za «ŭkład u raźvićcio i papularyzacyju nacyjanalnaha muzyčnaha mastactva i padrychtoŭku łaŭreataŭ mižnarodnych i respublikanskich konkursaŭ»;
• majstar narodnych mastackich ramiostvaŭ Dziaržynskaha rajonnaha centra kultury i narodnaj tvorčaści Andrej Martyniuk — za «vydatnyja dasiahnieńni ŭ dekaratyŭna-prykładnym mastactvie i stvareńnie ŭnikalnaj technałohii vyrabu miechaničnych budzilnikaŭ z dreva»;
• artyst-salist-instrumientalist filijała «Muziej historyi architektury Safijskaha sabora» Nacyjanalnaha Połackaha historyka-kulturnaha muzieja-zapaviednika Ksienija Paharełaja — za «značny asabisty ŭkład u prapahandu biełaruskaj muzyčnaj spadčyny i raźvićcio arhannaha vykanaŭstva ŭ Biełarusi».

• 0
• 1
• 3
• 5
• 0
• 0
• 3
• 0