Kaleśnikava — Cichanoŭskaj: Śvieta, ty navat nie ŭjaŭlaješ, kolki ja razoŭ ujaŭlała hety momant
Siońnia Śviatłana Cichanoŭskaja pahavaryła pa telefonie ź Viktaram Babarykam i Maryjaj Kaleśnikavaj, što ŭ subotu vyjšli na volu. U pres-słužbie Viktara Babaryki padzialilisia detalami razmovy.
«Śvieta, ty navat nie ŭjaŭlaješ, kolki razoŭ ja ŭjaŭlała hety momant — što my z taboj narešcie ŭbačymsia! Ale nastupny krok — my abaviazkova pavinny abniacca! Viedaj, što ja zaŭsiody ciabie padtrymlivała. Mała chto zmoh by zrabić toje, što zrabiła ty. Ja vielmi heta caniu», — skazała Maryja Kaleśnikava.
Maryja kaža, što ciapier nadzvyčaj važna vyzvalić inšych ludziej.
«Ja nie mahu spakojna spać, viedajučy, što dziaŭčaty jašče tam, i babuli, jakim pa 70 hadoŭ. I pry hetym vypuskajuć mianie, a nie vypuskajuć ich. Heta maja asabistaja meta numar adzin. Ja dumaju, što vy ŭsie, vy taksama da hetaha dałučyciesia», — skazała jana.
«Toje, što było zroblena paśla taho, jak nas pieršych zakryli, — heta prosta nievierahodna. Nievierahodna, što vy nie prosta ŭziali ściah u ruki, a sapraŭdy zachavali našu spravu žyvoj. Ja pierakanany: pakul jana isnuje, my možam stvaryć nie prosta dobruju i pryhožuju historyju, a historyju, jakoj buduć hanarycca nie tolki my z vami, ale i našy dzieci i ŭnuki. Treba dumać pra toje, što budzie dalej — i heta ŭ nas napieradzie. Dziakuj usim, chto zastaŭsia, chto ŭ svaich rukach utrymaŭ hetuju dalikatnuju maleńkuju raślinu pad nazvaj Novaja, volnaja i ščaślivaja Biełaruś», — zaznačyŭ Viktar Babaryka.
«Davajcie prosta razumieć: hetaja kropka — [vyzvaleńnie biełarusaŭ] — abjadnoŭvaje nas usich. Heta vielmi važna. Ja pierakanany ŭ dabryni i spačuvańni jak adnych z najlepšych rys charaktaru biełarusaŭ. A heta značyć — heta bol i žadańnie ŭsich ludziej Biełarusi. Dumaju, Śviatłana, vy nie horš za nas heta razumiejecie — vy rabili ŭsio, što mahli. Heta cudoŭna. Dziakuj», — dadaŭ jon.
Ciapier čytajuć
Andrej Švied, architektar represij, pryznačany staršynioj Viarchoŭnaha suda13
Kamientary
Praanalizaŭ roznyja intervju jak Babaryki i Kaleśnikavaj za 2020h, a taksama ludziej jakija ź im pracavali, skazałasia ŭražańnie, što jany nie ščyra razumieli ŭ jakoj krainie žyli i što takoje režym łuki.
Ich naiŭnaść abyjšłasia im vielmi doraha, jak i ludziam, jakija im pavieryli.
Ja nie baču nijakaj refleksii Babaryki i Kaleśnikavaj nakont svaich dziejańniaŭ u 2020m
To bok, kab jany vyznali, što ideja pieramahčy łuku ŭ pravavym pole była pamyłkovaj. Što vychodzić pa niadzielam z kvietkami na miantoŭ, była pravalnaja stratehija pa źmienie ŭłady. Što heta ŭsio tolki pahoršyła situacyju ŭ RB.
Niechta skaža, što na ich praz svajakoŭ u RB cisnuć. Mahčyma, ale jany jaŭna chacieć być u infa pole, usie zrazumieli b kali jany syšli ŭ cień. Tamu nie treba skidvać ź ich adkaznaść.
Jany ciapier abmiarkoŭvajuć, tolki toje kab dalej vychodzili ludzi z departacyjaj, pra toje jak jany bačyć źmienu ŭładu ŭ krainy navat razmovy niama
Režym łuki ciapier uspryvajecca imi jak kanstanta, na jakuju nijak nie paŭpłyvać, a tolki dziakavać, što z turmy vypuścili i z krainy vykinuli.