Dziaržsakratar ZŠA Marka Rubia zajaviŭ, što Vašynhton nie bačyć pahrozy paharšeńnia adnosin z Rasijaj z-za situacyi vakoł Vieniesueły. Pavodle jaho słoŭ, ZŠA nie čakajuć ad Maskvy ničoha bolšaha, akramia tolki rytaryčnaj padtrymki ŭładaŭ Vieniesueły, i heta nie ŭpłyvaje na amierykanskuju pazicyju, paviedamlaje Reuters.
«My nie zaniepakojenyja eskałacyjaj kanfliktu z Rasijaj z-za Vieniesueły. My zaŭsiody čakali ad ich rytaryčnaj padtrymki režymu Madura, ale heta nie źjaŭlajecca faktaram, jaki my ŭličvajem pry razhladzie hetaha pytańnia», — skazaŭ Rubia.
Jon taksama dadaŭ, što ŭ Rasii i biez taho dastatkova prablem u suviazi z vajnoj va Ukrainie, i pieradaŭ kaladnyja vinšavańni ministru zamiežnych spraŭ RF Siarhieju Łaŭrovu.
«Ja dumaju, što ŭ Rasii poŭna kłopataŭ z Ukrainaj, ale kali jon ciapier nas hladzić, to, Siarhiej, ščaślivych Kaladaŭ», — skazaŭ dziaržsakratar ZŠA.
19 śniežnia prezident ZŠA Donald Tramp u intervju NBC nie vyklučyŭ mahčymaści vajennaha kanfliktu ź Vieniesuełaj. Raniej jon abviaściŭ «poŭnuju i tatalnuju» marskuju błakadu vieniesuelskich naftavych tankieraŭ, jakija znachodziacca pad amierykanskimi sankcyjami. Tramp zajaviŭ, što Vieniesueła faktyčna akružanaja i paabiacaŭ uzmacniać vajskovuju prysutnaść ZŠA, pakul ułady krainy, pavodle jaho słoŭ, nie viernuć Złučanym Štatam «skradzienyja naftu, ziamlu i inšyja aktyvy».
Akramia taho, amierykanskaja administracyja pryznała vieniesuelskija ŭłady «zamiežnaj terarystyčnaj arhanizacyjaj», a raniej Tramp zajaŭlaŭ, što «dni Madura paličanyja».
Na praciahu apošnich miesiacaŭ ZŠA naroščvali svaju vajskovuju prysutnaść u Karybskim mory i nanosili ŭdary pa vieniesuelskich sudnach, tłumačačy heta baraćboj z narkatrafikam. Da siaredziny listapada ŭ rehijonie znachodziłasia kala 15 tysiač amierykanskich vajskoŭcaŭ.
U adkaz na abviaščeńnie marskoj błakady prezident Vieniesueły Nikałas Madura zajaviŭ pra sprobu źmieny režymu i abvinavaciŭ ZŠA ŭ imknieńni ŭstalavać maryjanietkavy ŭrad. Jon paabiacaŭ abaranić suvierenitet krainy i jaje resursy.
Ministerstva zamiežnych spraŭ Rasii 18 śniežnia paviedamiła, što čakaje ad ZŠA niedapuščeńnia dalejšaj eskałacyi vakoł Vieniesueły, pakolki heta, na dumku Maskvy, moža stvaryć pahrozu dla ŭsiaho Zachodniaha paŭšarja. U MZS RF nazvali Vieniesuełu družalubnaj krainaj, zajavili pra akazańnie joj palityčnaj padtrymki i padkreślili rolu Rasii jak pasiarednika.
Pry hetym, jak adznačaje Reuters, u novaj stratehii nacyjanalnaj biaśpieki, niadaŭna apublikavanaj administracyjaj Trampa, havorycca pra namier ZŠA adnavić svajo daminavańnie ŭ Zachodnim paŭšarji i faktyčna viarnucca da doktryny Manro XIX stahodździa, jakaja abviaščała hety rehijon zonaj upłyvu Złučanych Štataŭ.
ZŠA nieŭzabavie pačnuć naziemnyja ŭdary pa abjektach narkakartelaŭ u Vieniesuele
«Madura zastaŭsia zusim adzin». Ci pryjduć na dapamohu Vieniesuele jaje šmathadovyja sajuźniki?
Madura baicca vysokadakładnaha ŭdaru
Tramp daŭ Madura tydzień, kab toj pakinuŭ Vieniesuełu
U sutyknieńni z ZŠA Vieniesueła zastałasia praktyčna biez padtrymki Kitaja i Rasii
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU16
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1010
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»10
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary