Kiraŭnik Mahiloŭščyny sabraŭsia budavać u siabie ŭ rehijonie toje, nazvy čaho jon nie viedaje
21 sakavika Alaksandr Łukašenka pryniaŭ sa spravazdačaj kiraŭnictva Mahiloŭskaj vobłaści. Padčas sustrečy abmiarkoŭvałasia pierśpiektyva majninhu kryptavaluty ŭ rehijonie.
Pa vynikach narady hubiernatar Anatol Isačanka raskazaŭ supracoŭnikam dziaržSMI, što ŭ Mahiloŭskaj vobłaści ŭsio nieabchodnaje, kab budavać «dota-centry». Na niedarečnuju ahavorku źviarnuła ŭvahu «Lusterka».
U tekstavaj viersii kamientara Isačanki dziaržaŭnaje ahienctva BIEŁTA vypraviła pamyłku na «data-centry», a ź videaviersii słova «dota-centry» prosta vyrazali.
Ahavorka Isačanki mahła b zastacca niezaŭvažanaj, kali b 23 sakavika ŭ viačernim efiry dziaržtelekanał «Pieršy infarmacyjny» nie pakazaŭ poŭnuju viersiju videakamientara staršyni Mahiloŭskaha abłvykankama.
Data-centry — heta vuzkaśpiecyjalizavanyja abjekty infrastruktury, jakija zabiaśpiečvajuć bieśpierabojnuju pracu majninh-abstalavańnia.
Dota — šmatkarystalnickaja kamandnaja kampjutarnaja hulnia, raspracavanaja karparacyjaj Valve.
Ciapier čytajuć
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary