Homielski sienatar chacieŭ pahrecca ŭ pramianiach «Vialikaj Pieramohi», ale jaŭna pierahnuŭ z samapijaram FOTAFAKT
Piaredadzień 9 maja — akurat toj čas, kali ŭsie biełaruskija čynoŭniki pa svaich słužbovych abaviazkach abaviazkova pavinny zaśviedčyć publičnuju aktyŭnaść va ŭšanavańni ŭžo niešmatlikich jašče žyvych vieteranaŭ i ŭdzielnikaŭ vajny ci prynamsi adznačycca pry ŭšanavańni pamiaci zahinułych. Ale byvaje, što pry hetym jany jaŭna pierastajuć adčuvać pačućcio miery.
Tak, u kanale Savieta Respubliki źjaviłasia spravazdača, jak z hetaj zadačaj spraviŭsia «sienatar» ad Homielskaj vobłaści Juryj Vasilcoŭ.
Jon napiaredadni Dnia Pieramohi sustreŭsia z byłym viaźniem kancłahiera «Azaryčy» Paŭłam Ihnaćjevym i z hetaj nahody pramoviŭ niekalki aficyjoznych fraz:
«Naša pamiać, kłopat i ŭvaha da ludziej, jakija hladzieli ŭ vočy vajnie, — abaviazak kožnaha biełarusa. Naš prezident adznačyŭ, a narod jaho padtrymlivaje, što «nikomu nie dazvolim pierapisać hieraičnuju historyju savieckaha naroda». My zaŭsiody budziem šanavać historyju i narod-pieramožcu. Žachi kryvavaj vajny nie zabycca nikoli, nikomu. Biełarusy, pamiatajcie, kab nie paŭtaryłasia strašnaje».
Zroblenaje prynahodnaje fota, adnak, vyhladaje vielmi dziŭna. Na im u fokusie ŭvahi sam «sienatar», jaki siadzić u vielmi hanarlivaj pozie «pieramožcy», u toj čas jak ścipły były viazień stvaraje tolki fon dla tryumfu 43-hadovaha čynoŭnika.
P. S. Paśla źjaŭleńnia našaj publikacyi adpaviedny post z fota z telehram-kanała Savieta Respubliki apieratyŭna prybrali.
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie22
Kamientary
Na ulicach etich horodov, chodiat tołpy pobiedobiesov s łukašienkovskimi fłahami, očień pochoži na biesov, kak i na etoho biesa, na fotohrafii. I da, mordy lica, načiosy u biesich, odiežda vydajot viertikalŝikov, mvdšnikov i biesov iz khb.