Urad Arhienciny rassakrecić dakumienty pra nacystaŭ, jakija chavalisia ŭ krainie paśla Druhoj suśvietnaj vajny
Prezident Arhienciny Chaŭjer Milej daručyŭ uradu rassakrecić dakumienty ab nacystach, jakija znajšli prytułak u krainie paśla zakančeńnia Druhoj suśvietnaj vajny. Pra heta sa spasyłkaj na kiraŭnika Kabmina Hiljerma Frankasa piša vydańnie La Nacion.
Pa słovach Frankasa, Milej daručyŭ apublikavać usie najaŭnyja dakumienty, «pakolki niama nijakich pryčyn chavać infarmacyju».
U intervju DNews jon udakładniŭ, što siarod dakumientaŭ, pra jakija idzie havorka, jość taksama źviestki ab finansavych apieracyjach pradstaŭnikoŭ Treciaha rejcha, raspaviadaje The Insider.
Abnarodavańnie dakumientaŭ stała adkazam na prośbu sienatara ZŠA Styva Dejnsa — jon vystupaje za publikacyju ŭsioj infarmacyi pra čas, kali nacysty pryjechali ŭ Arhiencinu ŭ pošukach prytułku.
U Arhiencinie i inšych krainach schavalisia da 10 tysiač nacystaŭ i vajennych złačyncaŭ. U Arhiencinu biehli kala piaci tysiač, siarod jakich byli «architektar» Chałakosta Adolf Ejchman i były lekar Aśviencyma Jozef Mienhiele.
24 sakavika stała viadoma, što ŭ Nacyjanalny archiŭ fajłaŭ pieradaduć dakumienty, jakija tyčacca dziejańniaŭ uzbrojenych sił padčas apošniaj vajennaj dyktatury 1976-1983 hadoŭ. Pres-sakratar prezidenta Arhienciny Manuel Adorni napisaŭ, što ŭrad choča vykarystoŭvać hetyja archivy «jak srodak pamiaci, a nie srodak palityčnych manipulacyj».
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4848
Kamientary
Boļš cikavyja buduc` dakumanty, archivy, samyja važnyja z ich, jakija biezumoūna nie byli pakinuty kaalicyi. Cieraz ich mahčyma bylo b daviedacca ab kantaktach Bierlina i Maskvy 1938 - 1940 hadoū. Bo archiū VAV jašče 100 hadoū budzie začynieny, a moža i boliej, poki nia zdochnie apošni neabaļšavik,.. dy i padčyščana tam užo ūsio...