U Minsku źjaviacca novyja prajaznyja na hramadski transpart. U čym ich asablivaść?
Z 10 krasavika ŭ Minsku daražeje prajezd u hramadskim transparcie. Pavodle rašeńnia Minharvykankama, apublikavanaha na Nacyjanalnym pravavym partale, ceny na tałončyki, žetony i prajaznyja bilety buduć pavyšanyja.
Razavaja pajezdka ŭ aŭtobusie, tralejbusie ci tramvai abydziecca ŭ 95 kapiejek, što na 10 kapiejek daražej za raniejšuju canu. Anałahičnaja cana i dla pravozu ručnoj pakłažy.
Prajezd u mietro taksama padaražeje na 10 kapiejek i składzie roŭna 1 rubiel. Hetaja cana taksama raspaŭsiudžvajecca na pravoz ručnoj pakłažy ŭ padziemcy.
«Akramia taho, z 10 krasavika budzie ŭviedzieny novy vid prajaznoha — turystyčny (na 1 sutki i na 3 sutak). Im možna budzie nie abmiežavanuju kolkaść razoŭ karystacca hramadskim transpartam, uklučajučy mietro. Takoje novaŭviadzieńnie aceniać hości našaj stalicy», — paviedamili ŭ Minharvykankamie.
U rašeńni Minharvykankama paznačanyja i ceny na novyja vidy prajaznych biletaŭ. Sutačny prajazny na ŭsie vidy naziemnaha transpartu i mietro abydziecca ŭ 4,81 rubla. Turystyčny prajazny na troje sutak budzie kaštavać 14,43 rubla. Pad sutkami razumiejecca pieryjad času z 0 da 24 hadzin.
Adznačajecca, što turystyčny prajazny nieabchodna budzie vykarystać nie paźniej čym praz 30 dzion z daty jaho prodažu. Pasažyr moža samastojna vybrać daty, na jakija jamu patrebny turystyčny prajazny.
To-bok, kali vy, naprykład, čakajecie haściej, što pryjazdžajuć u Minsk, to nabyć dla ich turystyčny prajazny možna budzie zahadzia, naturalna viedajučy dakładnuju datu ich vizitu ŭ stalicu.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks11
Kamientary