Śpiecyjalny pasłańnik prezidenta ZŠA Styŭ Uitkafam paśla sustrečy ŭ Vašynhtonie 3 krasavika sa śpiecpradstaŭnikom prezidenta Rasii Kiryłam Dźmitryjevym pieradaŭ Donaldu Trampu pazicyju Kramla pa mirnych pieramovach: Rasija pavinna atrymać kantrol nad čatyrma ŭkrainskimi rehijonami. Pra heta piša Reuters sa spasyłkaj na niekalki amierykanskich uradavych krynic.
Styŭ Uitkaf paviedamiŭ Trampu, što vykanańnie hetaj umovy dapamoža bolš chutkamu zaklučeńniu mirnaha pahadnieńnia. Raniej jon publična vykazvaŭ takuju pazicyju ŭ intervju amierykanskamu žurnalistu Takieru Karłsanu.
Hienierał Kit Kiełah, śpiecpasłańnik prezidenta ZŠA pa Ukrainie, pavodle słoŭ surazmoŭcy Reuters, Uitkafa ŭ hetym pytańni nie padtrymaŭ. Jon paviedamiŭ Trampu, što choć Ukraina i hatovaja pahadzicca na niekatoryja ŭmovy, źviazanyja z hetymi terytoryjami, jana nikoli nie pahodzicca ŭ adnabakovym paradku całkam sastupić ich Rasii.
Pa infarmacyi Reuters, rašeńnia pa hetym pytańni Donald Tramp pakul što nie pryniaŭ.
Vydańnie taksama adznačaje, što padčas pryjezdu Dźmitryjeva ŭ Vašynhton Styŭ Uitkaf zaprasiŭ jaho na viačeru va ŭłasnuju rezidencyju razam z pasłom Rasii ŭ ZŠA. Heta adrazu ŭstryvožyła Bieły dom i Dziarždepartamient, bo zvyčajna aficyjnyja asoby ZŠA paźbiahajuć prymać doma słužbovych asob z Rasii, jakija mohuć mieć technałahičnyja vyviedvalnyja mahčymaści. U vyniku viačera była pieraniesienaja i zamiest hetaha adbyłasia ŭ Biełym domie.
Styŭ Uitkaf za apošnija dva miesiacy trojčy prylataŭ u Rasiju. 11 krasavika jon sustreŭsia z prezidentam Rasii Uładzimiram Pucinym u Sankt-Pieciarburhu. Ich razmova praciahvałasia bolš za čatyry hadziny. Adnak infarmacyi pra toje, što abmiarkoŭvałasia na hetaj sustrečy, u adkrytym dostupie pakul niama. Viadoma tolki, što havorka išła pra «aśpiekty ŭkrainskaha ŭrehulavańnia».
Śpiecpasłańnik Trampa sustreŭsia ŭ Pieciarburhu z pradstaŭnikom Pucina
«ZŠA čujuć pazicyju Rasii». Pasłańnik Pucina raspavioŭ pra vyniki sustreč u Vašynhtonie
Uitkaf pra akupavanyja ŭkrainskija terytoryi: Pieravažnaja bolšaść ludziej pakazała, što choča być pad uładaj Rasii
Śpiecpasłańnik Trampa raskazaŭ, kali moža prajści sustreča Trampa i Pucina
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra9
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary