U Breście žančyna nie zmahła atrymać dapamohu ŭ balnicy, bo ličyłasia pamierłaj
U prakuraturu źviarnułasia žycharka abłasnoha centra, jakaja patłumačyła, što nie moža atrymać miedycynskuju dapamohu ŭ balnicy pa miescy žycharstva, bo tam jana ličycca pamierłaj.
Vyśvietliłasia, što ŭ studzieni 2021 hoda bryhadaj chutkaj dapamohi ŭ Bresckuju centralnuju haradskuju balnicu dastavili žančynu z dyjahnazam: koma druhoj stupieni. Nie prychodziačy ŭ prytomnaść, jana pamierła ŭ balnicy. Źviestki žančyny zapisali sa słoŭ žycharoŭ chutara, dzie miedyki zabrali pacyjentku.
Watch on TikTok
Žycharku Bresta 1968 hoda naradžeńnia, danyja jakoj nazvali susiedzi, paznačyli jak pamierłuju. U vyniku adździełam ZAHS Bresckaha harvykankama była zarehistravanaja jaje śmierć.
U kancy 2022 hoda zajaŭnica, čyje danyja byli paznačany ŭ paśviedčańni ab śmierci, źviarnułasia ŭ palikliniku, pradjaviŭšy pry hetym pašpart. Pradstaŭniki palikliniki pieradali infarmacyju ŭ Brescki mižrajonny adździeł Śledčaha kamiteta.
Pry praviadzieńni dadatkovaj pravierki śledčymi vyjavili, što pamierłaj akazałasia susiedka pa chutary žančyny. Pakolki pamierłaja nie mieła svajakoŭ, danyja ab jaje śmierci nichto nie asprečvaŭ.
U vyniku prakuror Bresta ŭ intaresach žyvoj žančyny źviarnuŭsia ŭ sud z pazovam ab pryznańni niesapraŭdnym zapisu akta ab śmierci i jaho anulavańni.
Kamientary
Na piensii svaje zabaŭki.