«Čyrvonyja linii»: Tramp adkazaŭ, pry jakich umovach ZŠA vyjduć ź pieramoŭ adnosna vajny
Amierykanski lidar adkryta adznačyŭ, što jość «dobryja šancy» zaviaršyć hetuju vajnu, ale ŭchiliŭsia ad padrabiaznaściaŭ.
Donald Tramp zajaviŭ, što ZŠA majuć «vielmi dobryja šancy» spynić vajnu va Ukrainie. Adnak padčas intervju NBC News jon uchiliŭsia ad adkazu, što moža stać vyrašalnym dla rašeńnia vyjści ź mirnych pieramoŭ.
Adkazvajučy na pytańnie, što dla jaho źjaŭlajecca čyrvonaj linijaj, momantam, kali varta skazać: «Voś i ŭsio, my sychodzim (vychodzim ź pieramoŭ)?», Tramp skazaŭ:
«Nu, ty ž viedaješ. To-bok, mahčyma, kali-niebudź ja heta skažu… Ja nie mahu… Mahčyma, heta niemahčyma zrabić (zaviaršyć vajnu)».
Tramp dadaŭ, što «isnuje vielizarnaja nianaviść pamiž hetymi dvuma mužčynami (Pucinym i Zialenskim)), niekatorymi sałdatami i hienierałami». U toj ža čas lidar ZŠA dadaŭ, što «ŭ nas jość vielmi dobryja šancy» zaviaršyć vajnu.
Intervjujerka ŭdakładniła, ci adbudziecca heta chutka, kali Tramp pojdzie na kančatkovaje spynieńnie abmienu vajennaj infarmacyjaj i raźvieddanymi.
«Ja nie chaču hetaha zaraz kazać. Jašče rana pra heta kazać. Ja nie chaču ŭstupać u hetuju sprečku», — dadaŭ Tramp.
Ciapier čytajuć
«Pajšli nach*j vy i vaš «Baćka», pi***asy!» Pjanyja pryhody zrabili armianina Jarvanda palitviaźniem. Ciapier jon zmahajecca z prablemami ŭ Polščy13
Kamientary