Ci ŭklučać u Biełarusi aciapleńnie z-za chałodnaha nadvorja, adkazali ŭ ŽEU
Aciapleńnie ŭ kvaterach adklučyli, a viasna nie daje rassłabicca. Biełarusy mierznuć, a kamunalniki nie reahujuć. Ci možna heta źmianić?
«Jak tolki stała ciopła, u kvaterach adklučyli aciapleńnie, a tut raz — i znoŭ rezkaje pachaładańnie, nočču mierźli. Ja, viadoma, nie prašu ŭklučać batarei na poŭnuju mahutnaść, ale niaŭžo, uličvajučy, što ludziam choładna, choć by napałovu ŭklučyć nielha? Ci heta tak ekanomiać na spažyŭcu?» — źviarnuŭsia čytač u redakcyju «AiF».
Na hetaje pytańnie adkazaŭ hałoŭny inžynier ŽEU №1 Zavodskaha rajona Minska Maksim Kryšnieŭ.
Pavodle jaho słoŭ, jość ahulnaje praviła: aciapleńnie pačynajuć padavać u žyłyja damy, kali na praciahu troch dzion siaredniesutačnaja tempieratura pavietra nie ŭźnimajecca vyšej za +8°C.
I hetak ža z adklučeńniem: kali troje sutak hety pakazčyk pratrymajecca vyšej za +8° C, batarei vyklučajuć.
«Tamu ŭ teoryi situacyja, kali batarei, vyklučyŭšy, znoŭ uklučajuć z-za raptoŭnych chaładoŭ, mahčymaja. Rašeńnie ab hetym prymajuć miascovyja ŭłady, uličvajučy prahnozy mietearołahaŭ i techničnuju hatoŭnaść sistemy», — udakładniŭ Kryšnioŭ.
Miž tym, u nastupnyja dni nas čakaje novaja porcyja chaładoŭ.
U paniadziełak, 5 maja, pa poŭnačy, a ŭ aŭtorak, 6-ha čysła, pa poŭdni krainy — karotkačasovyja apadki. Unačy i ranicaj — pahroza zamarazkaŭ da -3°C.
U paniadziełak dniom čakajecca +7 da +13°C, u aŭtorak budzie kala +13°C.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary