Stała viadoma, što ciapier adbyvajecca z palitviaźniem Jurasiom Ziankovičam, jakoha vyzvalili pa prośbie ZŠA
Pra pieršyja dni Jurasia Ziankoviča paśla viartańnia ŭ Techas «Našaj Nivie» raspaviała jaho žonka Alena Dzienisaviec.
«Urad ZŠA maje śpiecyjalnuju prahramu reabilitacyi. Jana ŭklučaje miedycynskaje abśledavańnie, psichałahičnuju dapamohu, dapamohu z uładkavańniem na pracu, padtrymku siamji i hetak dalej. Usie ludzi, kaho ŭrad ZŠA vyzvalaje z pałonu, prachodziać jaje. I potym ich jašče padtrymlivajuć niekalki hadoŭ. Voś Juraś ciapier udzielničaje ŭ takoj prahramie», — raskazvaje jana.
Pa słovach Aleny, Ziankovič užo paśpieŭ prajści poŭny miedycynski ahlad — i sa zdaroŭjem u jaho ŭsio dobra. Ale ž jamu patrebny niekatory čas, kab pryjści ŭ siabie.
Nahadajem, naprykancy krasavika dziaržsakratar ZŠA Marka Rubia paviedamiŭ pra vyzvaleńnie z łukašenkaŭskaj turmy palitviaźnia Jurasia Ziankoviča (akramia biełaruskaha hramadzianstva, toj mieŭ i amierykanskaje). U chutkim časie paśla hetaha stała viadoma, što mužčyna vyjechaŭ u Litvu razam z namieśnikam pamočnika dziaržsakratara ZŠA Krysam Śmitam. Paśla Ziankovič nakiravaŭsia da žonki ŭ Techas.
Juraś Ziankovič znachodziŭsia za kratami ź viasny 2021 hoda, kali byŭ aryštavany ŭ Maskvie za ŭdzieł u virtualnaj sprobie «dziaržaŭnaha pieravarotu». U vyniku ŭ Biełarusi jamu prysudzili 11 hadoŭ źniavoleńnia, ale potym termin pavialičyli da 13,5 hadoŭ.
Amierykancy dabilisia vyzvaleńnia Juryja Ziankoviča. Jon byŭ prysudžany da 13,5 hoda źniavoleńnia
Jak vyhladaje 46-hadovy juryst Juraś Ziankovič praz try z pałovaj hady źniavoleńnia ŭ biełaruskaj turmie
BT pakazała Ziankoviča, kab toj źviarnuŭsia da Trampa i Charys z prośbaj zabrać jaho
Juryja Ziankoviča, jaki byŭ asudžany pa spravie ab «dziaržpieravarocie», źmiaščali ŭ ŠIZA, jon abviaščaŭ haładoŭku
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary