Krainam ES prapanujuć całkam zabaranić pastaŭki rasijskaha hazu da kanca 2027 hoda. Takaja inicyjatyva ŭtrymlivajecca ŭ «darožnaj karcie» jeŭrakamisii pa admovie ad «błakitnaha» paliva z Rasii, jakaja budzie pradstaŭlenaja 6 traŭnia, raspaviali Bloomberg daśviedčanyja krynicy.
Pavodle ich słovaŭ, zabarona pavinna zakranuć jak doŭhaterminovyja pahadnieńni, tak i spotavyja kantrakty, na jakija prypadaje kala traciny impartu rasijskaha hazu. Pry hetym dla apošnich miera ŭstupić u siłu nie paźniej za kaniec hetaha hoda.
Dakładnyja terminy ŭviadzieńnia zabarony buduć zaležać ad zdolnasici ES zabiaśpiečyć alternatyŭnyja pastaŭki zvadkavanaha pryrodnaha hazu (ZPH) z ZŠA, Katara, Kanady i Afryki, adznačyli surazmoŭcy ahienctva.
Jany taksama dadali, što płany pa pastupovaj admovie ad hazu z Rasii akažuć abmiežavany ŭpłyŭ na ceny i enierhietyčnuju biaśpieku ES, uličvajučy vialikija abjomy ZPH va ŭsim śviecie, jakija pavinny źjavicca na rynku ŭ bližejšyja hady.
Ciapier čytajuć
Prakuror prosić dla eks-pamočnika Łukašenki Ihara Bryło 12 hadoŭ źniavoleńnia4
Kamientary
Adno smiešna, ciaham dziesiacihoddzia rabili durnoje, marnujučy hrošy i čas, pryviazvali siabie da rasiejskaha hazu (dziakuj Mierkieļ), kab ciapier cierpiačy nastupstvy, rabic` supracliehlaje.
Heta nie prykmieta daļnabačnasci i pasliadoūnasci eūrapiejskich elitaū u 2000-2020 hadach, durata (dy i chabar taksama) tam brali vierch.
Duraty i ciapier tam chapaje, asabliva ū dziejaņniach kiraūnictva Lietuvy, što da bielarusaū, durata i ciapier zastajecca ū trendzie, u jaje ciapier "vakno mahčymasciaū"(jak tam kažuc`...:)))