Ukraina abviaściła ŭ vyšuk uradženca Biełarusi. Jaho abvinavačvajuć u katavańni žycharoŭ akupavanaha Skadoŭska
Ukraina abviaściła ŭ mižnarodny vyšuk uradženca Biełarusi, jakoha abvinavačvajuć u vydačy zahadu na žorstkaje abychodžańnie z cyvilnym nasielnictvam, u niezakonnym źniavoleńni, utrymańni ŭkraincaŭ u antysanitarnych umovach, pazbaŭleńni ich ježy i vady, a taksama ŭ parušeńni zakonaŭ i zvyčajaŭ vajny, piša Radyjo Svaboda.
Śledčaje ŭpraŭleńnie Słužby biaśpieki Ukrainy ŭ Chiersonskaj vobłaści zaviali suprać uradženca Słucka, hramadzianina Rasii Viktara Bahaturava kryminalnuju spravu pavodle č. 1 artykuła 438 Kryminalnaha kodeksu Ukrainy (parušeńnie zakonaŭ i zvyčajaŭ vajny).
U mižnarodny vyšuk Viktara Bahaturava abviaścili 31 sakavika i zavočna aryštavali jaho 24 krasavika 2025 hoda.
Usich zatrymanych časta nie mahli źmiaścić u miascovych śledčych izalatarach i ŭpraŭleńniach palicyi. U Skadoŭsku, naprykład, aproč upraŭleńnia palicyi, ludziej zvozili ŭ dziciačy łahier azdaraŭleńnia i adpačynku «Słava», dzie ich niezakonna ŭtrymlivali i dapytvali.
Uradženiec Biełarusi Viktar Bahaturaŭ vykonvaŭ funkcyi vajskovaha kamiendanta Skadoŭskaha rajona Chiersonskaj vobłaści. Jon asabista ŭdzielničaŭ u dopytach i źbićci pradstaŭnikoŭ kiraŭnictva Skadoŭska — mera Alaksandra Jakaŭleva, jahonaha namieśnika i sakratara haradskoj rady.
Paśla zatrymańnia Alaksandra Jakaŭleva źmiaścili ŭ kamieru miascovaha ŭpraŭleńnia palicyi. Adtul dla dopytu jaho vyvodzili ŭ kabiniet inšyja vajskoŭcy. Viktar Bahaturaŭ sam pravodziŭ dopyt, kab dabicca ad mera Skadoŭska nfarmacyi ab najaŭnaści zbroi ŭ miascovych žycharoŭ i arhanizacyi municypalnaj varty.
Kab razhavaryć mera, Bahaturaŭ pačaŭ bić jaho, nanosiačy ŭdary pa hrudzinie i šyi. Nie atrymaŭšy nijakaj infarmacyi, pabitaha Jakaŭleva viarnuli ŭ kamieru. Praź piać hadzin jaho vyzvalili pad ciskam miascovych žycharoŭ, jakija vyjšli na mitynh, kali stała viadoma ab jahonym zatrymańni.
U kryminalnaj spravie jość jašče try epizody katavańnia zatrymanych ukraincaŭ.
Rasijskija vajskoŭcy, jakimi kiravaŭ Bahaturaŭ, patrabujučy infarmacyi ab «ukrainskich dyviersijnych hrupach», imitavali rasstreł zatrymanaha, naciskajučy cynhiel pistaleta nad jaho hałavoj. Potym jaho pieravieźli ŭ dziciačy łahier «Słava», dzie praciahnuli dopyt. Za admovu supracoŭničać na zahad Bahaturava zatrymanaha spačatku mocna pabili humavymi dručkami, a kali toj upaŭ na padłohu, pačali bić nahami. U vyniku zatrymany niekalki razoŭ traciŭ prytomnaść.
-
«Bransk pad rakietnym udaram!» — «Vy nie tušycie, daharyć chutčej». Minabarony Ukrainy pa-čornamu adpalvaje ŭ Threads
-
Zialenski zaklikaŭ Trampa dla zakančeńnia vajny macniej cisnuć na Pucina, a nie na jaho
-
U Čarnaŭcach padčas uskryćcia cieła vajskoŭca, pieradadzienaha ŭ ramkach abmienu z RF, vyjavili hranatu
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary
PS Bolšie vsiech mnie ponraviłaś staťja ob pohibšiem v Ukrainie biełaruskom oficierie, rodiłsia pod Homiele v 91hodu jeŝio vo vriemia sov. sojuza, v vozrastie 4 miesiaciev vyviezien v moskoviju, hdie stał rośsijskim oficierom, no pohib kak biełaruskij po miestu roždienija.Rieśpiekt NN.