U Homieli «Ruski dom» pad maŭčańnie ideołahaŭ masava razdaje hieorhijeŭskija stužki
Błohier Andrej Pavuk patelefanavaŭ u «Ruski dom» u Homieli, sprabujučy vyśvietlić, nakolki zakonnaja akcyja Rassupracoŭnictva pa razdačy da 9 maja rasijskich hieorhijeŭskich stužak. Jak paviedamlaje «Fłahštok», homielskaje adździaleńnie hetaj rasijskaj arhanizacyi raspaŭsiudžvaje takija stužki siarod rabotnikaŭ dziaržpradpryjemstvaŭ.
«Ruski dom» zaklikaŭ aktyvistaŭ da razdačy hieorhijeŭskich stužak u Homieli. Nikoli raniej jon aficyjna hetaha nie rabiŭ. Paśla taho jak hieorhijeŭskaja stužka stała simvałam zachopu ŭkrainskich terytoryj u 2014 hodzie, ideołahi Łukašenki stvaryli i stali prasoŭvać svoj varyjant simvała pieramohi — kvietka jabłyni z čyrvona-zialonaj stužkaj. A hieorhijeŭskaja stužka de fakta stała ŭ Biełarusi niepažadanaj. Ale ciapier miascovaja viertykal ułady naŭrad ci moža supraćstajać ideałahičnaj dyviersii.
Na zvanok błohiera Andreja Pavuka ŭ «Ruskim domie» adkazali, što «ludzi prychodziać i biaruć udzieł u hetaj akcyi»:
«Jak jany buduć vykarystoŭvać stužki, heta ich sprava».
Paśla ŭdakładniajučaha pytańnia, ci nie buduć za publičnyja razdaču i našeńnie stužak karać, u «Ruskim domie» kinuli słuchaŭku.
Tady błohier patelefanavaŭ kiraŭniku «Ruskaha doma» Alaksandru Maržuchinu, jaki taksama ŭchiliŭsia ad adkazu na pytańnie pra adkaznaść:
«Heta žadańnie kožnaha čałavieka. Ludzi, jakija da nas prychodziać, potym nadziajuć i na mašyny viešajuć, ja baču. Z nahody adkaznaści ja vam adkazać nie zmahu. Aficyjna, pavodle zakanadaŭstva, nijakich zabaronaŭ niama. A što tam u kožnaha ŭ hałavie… Zmahalisia ŭsie ŭ adnoj krainie za adnu pieramohu».
Pry hetym Maržuchin zajaviŭ, što «nie ŭłazić u palityčnyja spravy»:
«Da mianie pryjšoŭ čałaviek, jaki skazaŭ, što jamu treba dźvie tysiačy stužak, i ja ich viedaju, kamu razdać. Uziaŭ dźvie tysiačy i pajšoŭ. Heta pryjšoŭ biełarus, z Homiela. Tamu nichto nie baicca, a pierastrachoŭvajucca kiraŭniki».
Na zvanok «Fłahštoka» ad imia nieabyjakavaha hramadzianina ideołah Centralnaha rajona Homiela adkazała, što heta «sprava vybaru kožnaha» — jakija mienavita stužački vykarystoŭvać. Suprać našeńnia hieorhijeŭskich stužačak ideołah nie vykazvałasia.
U hrodzienskaj škole paprasili nie vykarystoŭvać u malunkach hieorhijeŭskuju stužku. Bondarava ŭ šale
Biełarus z DNŽ jechaŭ u Litvu z vympiełam PDV SSSR i hieorhijeŭskaj stužkaj. Vynik pradkazalny
Biełarus sprabavaŭ ujechać u Litvu z nalepkaj «SSSR» na mašynie. Naiŭny
Sudździa, jaki ŭciok u Minsk, pryjšoŭ na intervju z hieorhijeŭskaj stužkaj — jaho nazvali «polskim dysidentam»
Kamientary