Biełarus z DNŽ jechaŭ u Litvu z vympiełam PDV SSSR i hieorhijeŭskaj stužkaj. Vynik pradkazalny
Litoŭskija pamiežniki nie ŭpuścili ŭ krainu hramadzianina Biełarusi ź simvolikaj savieckich desantnikaŭ.
Biełarus jechaŭ u Litvu praz punkt propusku «Miedniki» na Audi 90. U sałonie aŭtamabila pad lusterkam visieŭ vympieł ź simvolikaj savieckich PDV.
Na im byli namalavanyja parašut, čyrvonaja zorka, samaloty i hieorhijeŭskaja stužka, a taksama nadpis na ruskaj movie «Nichto, akramia nas» i data «2 žniŭnia 1930 hoda».
Aŭtamabilem kiravaŭ 54-hadovy biełarus, jaki atrymaŭ dazvoł na žycharstva ŭ Litvie ŭ červieni 2024 hoda. Pakolki ŭ Litvie zabaronienaja savieckaja simvolika, pamiežniki kanfiskavali ŭ mužčyny vympieł i zabaranili jamu ŭjezd u krainu. Akramia taho, biełarusa aštrafavali na 150 jeŭra. Mužčynie daviałosia viarnucca na radzimu, paviedamlaje pamiežnaja słužba.
Heta ŭžo nie pieršy padobny vypadak za apošni čas. Niekalki tydniaŭ tamu ŭ Litvu nie puścili biełarusa, u jakoha pad łabavym škłom lažaŭ dyvanok u kolerach savieckaha ściaha z nadpisam «SSSR».
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary