Napadnicu zatrymali.
Siońnia, 1 maja, ukrainski aktyvist i vałancior Siarhiej Ściarnienka paviedamiŭ u svaim telehram-kanale, što na jaho byŭ učynieny napad.
«Na mianie ździejśnieny napad. Paranieny». Paźniej jon dadaŭ, što pahrozy žyćciu niama, a napadnicu zatrymali
«Dziakuju SBU za imhniennuju reakcyju», — adznačyŭ jon adrazu.
SBU paćvierdziła, što napadnicu zatrymali, u jaje byŭ pistalet.
Na Siarhieja Ściarnienku ŭžo byli napady raniej. Heta adbyłosia trojčy ŭ 2018 hodzie paśla ŭdziełu aktyvista ŭ pratestach suprać źniščeńnia Adeskaj haradskoj uładaj Letniaha teatra i paśla taho, jak jon arhanizavaŭ akcyi suprać rasijskaj kulturnaj ekspansii ŭ Adesie.
Padčas apošniaha napadu Ściarnienka śmiarotna paraniŭ adnaho z napadnikaŭ Ivana Kuźniacova. Druhi ŭdzielnik napadu Andrej Isajkuł ź ciaham času ŭciok z Ukrainy.
Aktyvist śćviardžaŭ, što dziejničaŭ u miežach zakonnaj samaabarony. Ściarnienka zajaŭlaŭ pra cisk na śledstva z boku tahačasnych ministra ŭnutranych spraŭ Arsena Avakava i hienieralnaj prakurorki Iryny Vieniedyktavaj.
Sud nad Siarhiejem Ściarnienkam byŭ adnym z samych hučnych pracesaŭ va Ukrainie, jaki mnohija nazyvali palityčnym. U śniežni 2023 hoda Ściarnienka paviedamiŭ, što sud zakryŭ spravu pra vierahodnaje pieravyšeńnie im miežaŭ samaabarony.
Kamientary
Zdaroŭja jamu!
[Zredahavana]