Kiroŭcy «Jandeks-taksi» ŭ Biełarusi abmiarkoŭvajuć ideju zabastoŭki 15 śniežnia

Pretenzij da ahrehatara ŭ taksistaŭ sabrałasia davoli šmat. Na pieršym miescy, biezumoŭna, nizkija taryfy.

Alaksandr, jaki pracuje ŭ taksi Połacka i Navapołacka, užo pajšoŭ z «Jandeks-taksi» i zadavoleny svaim rašeńniem. Ciapier jon nie razumieje tych, chto praciahvaje pahadžacca na ŭmovy bujnaha servisu i zaklikaje kiroŭcaŭ pavažać siabie.

Niadaŭna jon raspaviadaŭ u tyktoku, što «Jandeks» admianiŭ dapłatu da 4 rubloŭ u vypadku minimalnaj zamovy.

— Ciapier kali ty viazieš za 2.50, dyk tvaich nie 2.50 — «Jandeks» z hetaj sumy voźmie kamisiju, padatak z hetaj sumy, bienzin jašče… I tabie zastaniecca 0. Dobra, kali ty ŭ minus nie sydzieš.

Mužčyna aburajecca tym, što taksisty, niahledziačy na takija śmiešnyja sumy, praciahvajuć pracavać.

— Jak u 2025 hodzie možna jeździć za takija hrošy? Navat z dapłataj da 4 rubloŭ — heta ž ničoha. Jak skazaŭ pradstaŭnik «Jandeksu», «pakul taksisty jeździać, značyć, ich usio zadavalniaje, značyć, nie treba padymać ceny».

@aleksandrtaksi24 Diełaj jeŝio bolšie zakazov , čtob zarabotať mieńšie #novopołock #połock #aleksandrmitruchin ♬ orihinalnyj zvuk - Aleksandr Mitruchin

Jon zaklikaje pryncypova nie brać takija zamovy.

Svaim bolem i prapanovami kiroŭcy «Jandeks-taksi» aktyŭna dzielacca ŭ tyktoku. Akramia pavyšeńnia taryfaŭ i źmianšeńnia kamisii «Jandeksu» jany kažuć pra nieabchodnaść zabarony stavić kropku ŭ zonie, dzie zabaroniena pasadka i vysadka pasažyraŭ, a taksama ŭviadzieńnia sankcyj dla pasažyraŭ ź nizkim rejtynham.

Taksist ź Minska, jakoha zavuć Ivan, prosić usich padtrymać ideju ahulnaha vychodnaha:

— Ja razumieju, što jość arendniki, jość ludzi, jakija na akładzie pracujuć… Ale było b niabłaha, kali b vy ŭsie padtrymali i zrabili b sabie 15 śniežnia vychodny, prosta adpačyli b. Krypanuli, tak skazać, ad hetaha «Jašy» i zrabili sabie cudoŭny vychodny. Kali ničoha nie rabić, dyk ničoha dakładna nie atrymajecca. Zrazumieła, što adnym dniom my ničoha nie dabjomsia, ale niejkija minimalnyja ruchi, kab niešta źmianiłasia ŭ naš lepšy bok, treba rabić. Davajcie budziem adnoj vialikaj i družnaj kamandaj.

@piastunivan

Poddieržitie druh druha 15 diekabria

♬ orihinalnyj zvuk - Ivan Taksi Minsk

Alesia, jakaja taksama pracuje taksistkaj u stalicy, uchvalaje ideju z zabastoŭkaj, ale ŭpeŭniena, što čakać šyrokaj padtrymki nie varta.

— Bo chapaje tych, chto pryncypova pojdzie pracavać. Ja čytała ŭžo miljon kamientaroŭ ad takich: «Nu voś idzi, a ja pajdu ŭsie vašy zamovy łavić», — pa pavyšanym kaeficyjencie. I jość inšaja katehoryja — tyja, chto prosta nie moža sabie dazvolić nie vyjści. Ja, naprykład, z takich. Bo navat tyja 100-150‑200 rubloŭ, jakija ja mahu zarabić u hety dzień (nie tamu, što buduć pavyšanyja kaeficyjenty, a tamu, što tak vychodzić u zvyčajny siaredni dzień), dazvolać mnie nabyć praduktaŭ sabie i dzieciam, apłacić sadok, nabyć dzieciam padarunki na Novy hod. Voś i ŭsio. A takich ludziej vielizarnaja kolkaść. Tamu ja liču z usich kiroŭcaŭ nie vyjduć na liniju 30%. A mnie zdajecca, heta tak sabie vynik.

@freedomalise #dievuškavtaksi #iandiekstaksi #zabastovkajandieks ♬ orihinalnyj zvuk - Olesia

Kahości ideja adnadzionnaj zabastoŭki raźjušyła. Małady taksist ź Minska nie moža strymać emocyj i razmaŭlaje amal vyklučna maciukami:

— Ja pra 15 śniežnia ŭžo za*sia słuchać. Vy zusim job*sia, na*j? Pastaŭcie mašynku, źnimicie aklejku, uładkujciesia na zavod ci pasudamyjkaj niekaj pracavać, ci hruzčykam. I pracujcie sabie, chto vam pieraškadžaje?! Jakija na*j zabastoŭki. (…) Raniej pracavali — i ŭsio za*ś, a ciapier usio ch*iovy. Ceny nie tyja, toje nie toje… Znajdzicie sabie inšuju nišu i tam pracujcie. Vy tolki ŭ tyktokie možacie takuju ch* razhaniać. Nasamreč, ničoha nie źmienicca.

@fake_taxi_yanik #iandiekstaksi#15#diekabria#nazvod#iditie❤️ ♬ orihinalnyj zvuk - Fake_Taxi_yanik

U ananimnym tyktok-akaŭncie BY źjavilisia navat niedvuchsensoŭnyja pahrozy:

— Nu što, siabry-taksisty! Abvieścim 15 śniežnia biełaruski vychodny dzień taksista. Ja dumaju, usie padtrymajuć i mašyny pastaviać. Nu a tyja, chto nie pastavić i budzie pyłasosić, buduć atrymoŭvać fejkavyja zamovy na vielmi dobryja zavułki dy dvary ź nievyjaznym prachodam. Tak što padtrymajcie kaleh.

@by230867

15 diekabria vychodnoj taksi RB

♬ orihinalnyj zvuk - BY

A niechta ŭžo pačaŭ zapisvać žartaŭlivyja videa pra taksista, praź jakoha ŭ čarhovy raz ničoha nie atrymałasia. U roliku kiroŭca «Jandeks-taksi» vahajecca, kali bačyć pavyšany kaeficyjent. Ale ž kali na ekranie vyśviečvajecca «+10», to chucieńka zaskokvaje ŭ aŭtamabil.

@artyom_zg Tot samyj taksist iz-za kotoroho ničieho opiať nie vyšło #taksivitiebsk #15diekabria ♬ orihinalnyj zvuk - ARTYOM_ZG

• 1
• 1
• 4
• 8
• 0
• 0
• 0
• 0