Pavodle infarmacyi vydańnia The Atlantic, atrymanaj ad amierykanskich i ŭkrainskich čynoŭnikaŭ, administracyja Donalda Trampa faktyčna dazvoliła Ukrainie nanosić udary pa «cieniavym fłocie» Rasii — tankierach, jakija pieravoziać rasijskuju naftu ŭ abychod sankcyj.
Kali pry Džo Bajdenie Vašynhton aścierahaŭsia eskałacyi i vystupaŭ suprać udaraŭ pa rasijskaj naftavaj łahistycy ŭ mižnarodnych vodach, to pry Trampie padychod źmianiŭsia. Paviedamlajecca, što novy prezident nie tolki nie piarečyŭ takim atakam, ale časam navat uchvalaŭ pieradaču raźvieddanych Ukrainie dla paražeńnia abjektaŭ rasijskaj enierhietyčnaj infrastruktury.
Na fonie cisku ZŠA na Kijeŭ z patrabavańniem paskoryć mirnyja pieramovy Ukraina za apošnija tydni padarvała piać tankieraŭ «cieniavoha fłotu». Adkaznaść za heta ŭziała na siabie Słužba biaśpieki Ukrainy. U Maskvie hetyja incydenty nazvali «piractvam» i pryhrazili ŭdarami ŭ adkaz pa sudnach, jakija pieravoziać ukrainskija hruzy. Hetaje supraćstajańnie ŭžo vyklikała rost cenaŭ na strachavańnie sudnaŭ.
The Atlantic taksama adznačaje, što, niahledziačy na publičnyja zajavy ab žadańni «mirnaha vyrašeńnia kanfliktu», Tramp padtrymlivaje kroki, jakija bjuć pa rasijskaj naftavaj halinie. U kastryčniku jaho administracyja ŭviała sankcyi suprać «Rasnafty» i «Łukojła», što ŭskładniła rasijski ekspart i źniziła ceny na rasijskuju naftu.
Pry hetym u ZŠA pryznajuć, što takija dziejańni niasuć ryzyki dla suśvietnaha rynku, ale razhladajuć ich jak važny ryčah cisku na Uładzimira Pucina. Vašynhton spadziajecca, što padryŭ naftavaj łahistyki prymusić Maskvu bolš aktyŭna šukać šlachi da pieramovaŭ.
Były ministr infrastruktury Ukrainy Alaksandr Kubrakoŭ, jaki raniej vystupaŭ suprać udaraŭ pa cyvilnych sudnach, ciapier ličyć taki ŭzrovień eskałacyi apraŭdanym, kali jon sapraŭdy zdolny padšturchnuć Pucina da dyjałohu.
Ukrainskija marskija drony padbili ŭ Čornym mory čarhovy tankier rasijskaha «cieniavoha fłotu» VIDEA
Tankier «Kajras», atakavany dronami USU, sieŭ na miel la ŭźbiarežža Bałharyi
U Čornym mory harać užo dva tankiery z rasijskaha cieniavoha fłotu
Kala bierahoŭ Turcyi zahareŭsia tankier cieniavoha fłotu Rasii
Kožny šosty naftavy tankier u śviecie naležyć da rasijskaha «cieniavoha fłotu»
Kamientary