U Minsku 9 maja z 9:00 da 12:00 pierakryjuć ruch kala płoščy Pieramohi. Tam z 10:00 projdzie cyrymonija ŭskładańnia viankoŭ da manumienta Pieramohi. U vyniku časova źmienicca rabota niekatorych maršrutaŭ pasažyrskaha transpartu.
Tak, ruch aŭtobusaŭ № 18, 26, 26d i 26a budzie arhanizavany pa pr. Mašerava, vuł. Kazłova, vuł. Źmitraka Biaduli, vuł. Pieršamajskaja.
Akramia hetaha, aŭtobusy № 100, 115E, a taksama tralejbusy № 22 projduć pa pr. Niezaležnaści, vuł. Śviardłova, vuł. Uljanaŭskaja, vuł. Pieršamajskaja, vuł. Z. Biaduli, vuł. Kazłova i pr. Niezaležnaści.
Padčas cyrymonii aŭtobusny maršrut № 115E budzie jechać biez prypynkaŭ na pramiežkavych prypynačnych punktach. A ruch aŭtobusaŭ pa maršrucie № 300E budzie arhanizavany ad aŭtavakzała «Centralny», pa vuł. Babrujskaja, vuł. Śviardłova, vuł. Majakoŭskaha, vuł. Aranskaja, pr. Partyzanski, vuł. Vaniejeva, vuł. Vaŭpšasava, vuł. Radyjalnaja, vuł. Filimonava, pr. Niezaležnaści.
Taksama 9 maja ruch pierakryjuć i ŭ inšych častkach Minska.
Naprykład, z 14:00 jaho abmiažujuć pa pr-cie Mašerava (ad vuł. Daumana da Cimirazieva) i Pieramožcaŭ (ad vuł. Mielnikajcie da Ihnacienki) ŭ abodvuch napramkach da zakančeńnia mierapryjemstvaŭ, źviazanych z paradam.
U hetym hodzie vajenny parad u Minsku pačniecca ŭviečary ŭ 20:30.
Kamientary