Pad Asipovičami palaŭničy pierabłytaŭ u ciemry i vypadkova zastreliŭ barsuka z Čyrvonaj knihi
Piensijanier pajšoŭ palavać na vaŭka ci lisu, ale dapuściŭ fatalnuju pamyłku.
Uviečary 10 maja 63-hadovy mužčyna pryjechaŭ na palavańnie ŭ Asipovickuju haspadarku. U piensijaniera była licenzija na zdabyču vaŭka, lisy, janotapadobnaha sabaki i šakała.
U ciemry palaŭničy ŭbačyŭ siłuet niejkaj žyvioły. Jon adkryŭ ahoń pa celi, jakuju drenna bačyŭ. Streliŭ mužčyna dakładna. Ale jon vielmi ździviŭsia, kali ŭbačyŭ zabitaha im barsuka. Na hetuju žyviołu palavać nielha, jana zaniesiena ŭ Čyrvonuju knihu.
Mužčyna nie staŭ paviedamlać jehieram pra toje, što vypadkova padstreliŭ vielmi redkaha barsuka. Zamiest hetaha jon zabraŭ tušu dadomu i pačaŭ jaje dzialić. Mienavita za hetym pracesam jaho zastali inśpiektary pryrodaachovy. Jany vyklikali siłavikoŭ.
Apieratyŭniki kanfiskavali ŭ mužčyny narazny palaŭničy karabin z prycełam načnoha bačańnia, strelby, patrony, a taksama pradmiet, padobny na ahniastrelnuju zbroju, i tušu žyvioły. Vynikovy streł nanios pryrodzie škodu na 12600 rubloŭ.
Na palaŭničaha zaviali kryminalnuju spravu, jamu pahražaje da šaści hadoŭ kałonii.
Ciapier čytajuć
«Piensijanieram dzieci pieraškadžajuć!» U Breście nie pieršy miesiac iduć sprečki nakont miesca dla budaŭnictva dziciačaha sada5
Kamientary