U polskim horadzie Łukaŭ, što ŭ Lublinskim vajavodstvie, palicyja zatrymała 35‑hadovaha hramadzianina Biełarusi, jaki pavodziŭ siabie ahresiŭna i ŭ jakoha znajšli amfietamin i cyharety biez polskich akcyznych marak. Mužčyna pravioŭ noč u palicejskim izalatary, na nastupny dzień jamu vystavili abvinavačvańni, a paśla departavali ŭ Biełaruś.
Incydent adbyŭsia ŭ niadzielu ranicaj na čyhunačnaj stancyi, dzie palicyja atrymała paviedamleńnie pra svarku pamiž padarožnikami. Na miescy supracoŭniki zaśpieli troch mužčyn, adzin ź ich byŭ vidavočna pjany i vielmi ahresiŭny. Heta byŭ 35‑hadovy hramadzianin Biełarusi, jaki abražaŭ palicejskich i navat šturchaŭ ich.
Pry ahladzie jahonych rečaŭ znajšli niekalki hramaŭ amfietaminu i niekalki ŭpakovak cyharet biez polskich akcyznych marak. Zatrymany nie padparadkoŭvaŭsia kamandam palicejskich i jašče adbivaŭsia ad ich nahami.
Paśla hetaha palicyja padała chadajnictva ab departacyi hramadzianina, i ŭžo ŭ toj samy dzień jaho pierapravili ŭ Pamiežnuju słužbu ŭ Bieła-Padlascy. Tam pryniali administracyjnaje rašeńnie ab departacyi ŭ Biełaruś i zabaronie ŭjezdu ŭ Polšču i krainy Šenhienskaj zony na 7 hadoŭ.
Letaś u Polščy ŭdvaja pavialičyłasia kolkaść prymusova departavanych biełarusaŭ
Pjany biełaruski dalnabojščyk ledź nie ŭrezaŭsia ŭ handlovy centr u Polščy. Jaho departavali
Biełarus, jakoha źbiralisia departavać paśla kancertu Karža, paprasiŭ u Polščy mižnarodnuju abaronu
Biełarusa departavali z Polščy paśla taho, jak dva razy złavili pjanym za rulom
Ciapier čytajuć
Džon Koŭł pryjedzie ŭ Biełaruś 15 vieraśnia. Łukašenka, adnak papiaredziŭ: «vialikaj ździełki» nie budzie4
Kamientary