Čamu źnikłych ludziej šukajuć tak doŭha pry vialikaj kolkaści kamier videanazirańnia pa ŭsioj krainie?
U Biełarusi pracuje 60 tysiač razumnych kamier videanazirańnia. Čamu tady źnikłych ludziej šukajuć pa dva tydni?
Za apošnija tydni ŭ stalicy źnik nie adzin čałaviek — najbolš hučnaj spravaj stali dvuchtydniovyja pošuki 21-hadovaj Jany Kastrankovaj. Na žal, dziaŭčynu znajšli miortvaj 12 studzienia ŭ vadajomie Ślapianskaj vodnaj sistemy. Cieła vyciahnuli za adzin kiłamietr ad parka Čaluskincaŭ, dzie jaje telefon zafiksavali apošni raz.
Pradstaŭnik inicyjatyvy siłavikoŭ BelPol Uładzimir Žyhar patłumačyŭ «Našaj Nivie», čamu navat takija hučnyja pošuki raściahvajucca na tak doŭha. Pry tym, što pa ŭsioj Biełarusi, a tym bolš u Minsku, raście kolkaść razumnych kamier videanazirańnia.
«Na takija vyniki ŭpłyvajuć dva faktary. Pieršy, vidavočny — padobnyja spravy nie tyčacca palityki, tamu tut nie bačać sensu zadziejničać Respublikanskuju sistemu manitorynhu hramadskaj biaśpieki, Kipod, padłučanuju da vialikaj kolkaści kamier.
Choć i, varta adznačyć, u niekatorych punktach hetyja kamiery videanazirańnia dajuć karcinku zusim nizkaj jakaści — u tych ža miescach hramadskaha charčavańnia ci kramach. Kamiery, jakija ŭstalavanyja ŭ samim horadzie, na vulicy, užo našmat lepšyja», — ličyć Uładzimir Žyhar, jaki ŭ svoj čas pracavaŭ u kryminalnym vyšuku Mazyrskaha RAUS.
Ale asnoŭnaja pryčyna doŭhich pošukaŭ źnikłych ludziej palahaje ŭ inšym.
«Kožnym źnikłym bieź viestak u pieršyja sutki ŭ svajo dziažurstva zajmajecca śledča-apieratyŭnaja hrupa. Jany pracujuć pa ałharytmie: raspytać svajakoŭ, vyśvietlić niuansy kštałtu ci nie sychodziŭ blizki z domu raniej, prabić numar telefona i znachodžańnie telefona. Kali čałaviek nie adšukaŭsia ciaham sutak, tady hety materyjał pieradajecca ŭ adździeł vyšukovaj pracy kryminalnaha vyšuku. I zvyčajna tam vielmi mała supracoŭnikaŭ. Naprykład, u nas z 35 supracoŭnikaŭ kryminalnaha vyšuku mienavita samich pošukavikaŭ było ŭsiaho čatyry. Prykładna takaja ž situacyja pa ŭsioj krainie,
— tłumačyć pradstaŭnik BelPol. — Nu, i pošukaviki taksama musiać pracavać zhodna z ałharytmami, paśladoŭna — pačynajecca ciahamotnaja, marudnaja praca z apytańniami śviedak, rassyłkaj aryjencirovak… Bo zdaralisia takija situacyi: jość zajava, što čałaviek źnik, byccam paśla taho, jak pajechaŭ u Rasiju. Śledča-apieratyŭnaja hrupa čysta farmalna praviaraje kvateru, ale potym vyśviatlajecca, što trup «źnikłaha bieź viestak» uvieś hety čas stajaŭ la šafy, zakručany ŭ dyvan. Paśla takoha supracoŭnikam ładzili mocnyja takija łupcoŭki».
Uładzimir taksama adznačaje, što ludzi ŭzimku źnikali čaściej, i potym ich znachodzili tolki ŭviesnu, kali śnieh pačynaŭ rastavać.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary
Ich žie nužno obsłuživať ( svyšie 60 tysiač + do sich por ustanavlivajut)+ sidieť za rabočim miestom i nabludienija viesti, eto ž skolko nužno sotrudnikov , a rabotka tak siebie, vriednaja.