34‑hadovy Dźmitry Viarbicki staŭ hierojem hałandskich ŚMI.
Heta było ŭ horadzie Ejndchovien. Dźmitry Viarbicki spačatku pačuŭ prosta ŭdar. Kaža, «niby płastyk na lod upaŭ».
Paviarnuŭ hałavu i pabačyŭ: sa ślizkaj, zaśniežanaj vulicy mašyna źjechała ŭ kanał. Dźmitry pabačyŭ, što ŭ aŭtamabili, jaki idzie na dno, — zastajecca kiroŭca-žančyna. Nie dumajučy ni chviliny, Dźmitry skočyŭ u ledzianuju vadu i vyciahnuŭ žančynu z mašyny.
Kadry epičnyja: mašyna płyvie, a jaje dvorniki praciahvajuć pracavać.
Baradaty, uśmiešlivy Dźmitry — palityčny ŭciakač ź Biełarusi. Jon žyvie ŭ centry dla mihrantaŭ, tudy jaho i adviezła palicyja, što prybyła na miesca zdareńnia. Aŭtamabil dastali z vady z dapamohaj śpiectranspartu.
Hałandcy nie škadujuć dla Dźmitryja słovaŭ zachapleńnia. I cytujuć jaho słovy: «A zaraz chaču adnaho: u duš i haračaha čaju».
Kamientary
Čomu tak?