Ukrainskaja vykanaŭca Ani Łorak atrymała hramadzianstva Rasijskaj Fiederacyi, pašpart joj vydali 9 červienia 2025 hoda, prainfarmavała krynica, blizkaja da artystki.
Viasnoj 2024 hoda insajdar paviedamlaŭ RIA «Naviny», što Łorak — sceničny psieŭdanim Karaliny Kujek — padała chadajnictva ab ustupleńni ŭ rasijskaje hramadzianstva. Dakumienty byli padadzieny ŭ kancy zimy minułaha hoda.
Udakładniajecca, što śpiavačka zachavała ŭ pašparcie svajo sapraŭdnaje imia — Karalina (psieŭdanim — pračytańnie imia naadvarot — NN), piša mk.ru.
Jašče ŭ 2016 hodzie deputat Dziaržaŭnaj Dumy FS RF Vital Miłonaŭ vykazvaŭ hatoŭnaść sadziejničać Łorak u afarmleńni rasijskaha pašparta, adnak tady pradstaŭnik śpiavački śćviardžaŭ, što jana nie płanuje źmianiać hramadzianskuju prynaležnaść.
Ani Łorak, uradženka Čarnavickaj vobłaści, była ŭhanaravana zvańniem narodnaj artystki Ukrainy ŭ 2008 hodzie. Paśla padziej 2014 hoda jana pierastała davać kancerty na radzimie i pastajanna žyła ŭ Rasii, dzie ŭ rasijski pieryjad tvorčaści zavajavała mnostva prafiesijnych premij, uklučajučy «Załaty hramafon» i zvańnie łaŭreata fiestyvalu «Pieśnia hoda». Napad Rasii na Ukrainu jana nie asudziła.
Ani Łorak udzielničała ŭ 2008 hodzie ŭ «Jeŭrabačańni» ad Ukrainy i zaniała druhoje miesca, prajhraŭšy pradstaŭniku Rasii Dzimie Biłanu.
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
Ciapier čytajuć
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary