Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim
Abniać Siarhieja na mitynh u stalicy Litvy pryjšli Palina Šarenda-Panasiuk i palitviazień Juryj Čudzinovič, jaki siadzieŭ ź Cichanoŭskim u susiedniaj kamiery. A śpiavak Kosmas vykanaŭ svaju karonnuju «Razbury turmy mury» z ejfaryčnaj dapamohaj Cichanoŭskaha. Schod nie abyšoŭsia bieź incydentu.
Śviatłana Cichanoŭskaja pryjšła na płošču Vincasa Kudzirki ŭ centry Vilni z papkaj z partretam palitviaźnia i nobieleŭskaha łaŭreata Alesia Bialackaha. Jaje vystup byŭ karotki i ścipły. Jana padziakavała ŭsim, chto praciahvaje baraćbu za vyzvaleńnie palitviaźniaŭ.
Dalej mikrafon uziaŭ Siarhiej Cichanoŭski, jon i dydžeiŭ usiu sustreču, vypramieńvaŭ ejfaryju svabody.
Cichanoŭski paabiacaŭ, što chutka abvieścić zbor ludziej i aktyŭna ŭklučycca ŭ pracu — hetyja akcyi jon nazvaŭ raźminkaj.
Abniać Siarhieja pryjšli Palina Šarenda-Panasiuk i palitviazień Juryj Čudzinovič, jaki siadzieŭ ź Cichanoŭskim u susiedniaj kamiery.
A śpiavak Kosmas vykanaŭ svaju karonnuju «Razbury turmy mury» z ejfaryčnaj dapamohaj Cichanoŭskaha.
Siarhiej adznačyŭ, jak paradavała jaho ŭ turmie ŭ 2020 hodzie infarmacyja pra toje, jak šmat prahladaŭ sabrała hetaja pieśnia ŭ jutubie.
Na mitynhu byli taksama byłyja palitźniavolenyja Natalla Dulina, Ihar Karniej i Dźmitryj Hopta, muzyki Łeśli Najf i Cimate Suładze, akcior i haspadar «Karčmy 1863» Illa Jasinski, kiraŭnik fondu «Bajsoł» Andrej Stryžak. Padtrymać Cichanoŭskaha pryjšoŭ i biełaruskamoŭny litoŭski deputat Tomas Tamilinas.
Siarhiej Cichanoŭski pračytaŭ i jašče adzin vierš, jaki napisaŭ u turmie. Jamu nie davali mahčymaści pisać, tamu jon napisanyja tvory prosta zapaminaŭ.
«V tiuŕmie lišien vsieho, no nie sdajuś.
Ja znaju pravdu: viečno budut žiť
Svoboda, bratstvo, naša Biełaruś».
Siarhiej Cichanoŭski zajaviŭ, što budzie dabivacca sustrečy z prezidentam Ukrainy Uładzimiram Zialenskim.
A taksama — što atrymaŭ «pašpart Novaj Biełarusi».
Cichanoŭski raskazaŭ taksama, što praciahvaje stračvać vahu.
Kaža, što kali raptam pamre, to značyć jamu niešta ŭkałoli ci padsypali napaśledak.
Pa vychadzie z turmy błohier važyŭ 79 kh. Ciapier jaho vaha źniziłasia da 76 kh.
Mnohija biełarusy prynieśli na sustreču samarobnyja płakaty.
«Siarhiej — džentelmien» — tak hučaŭ płakat adnaho z udzielnikaŭ.
Tak siabie nazvaŭ sam Cichanoŭski: raz jaho žonka — prezident, to jon — pieršy džentelmien krainy (pa anałohii ź pieršaj łedzi).
Prykoł, adnak, zaklučany ŭ advarotnym baku taho płakata. Tam napisana: «Saša nie džentlmien».
Siarhiej Cichanoŭski taksama raskazaŭ pra strašnyja ŭmovy, u jakich siadzić eks-kandydat u prezidenty Mikoła Statkievič.
Pa słovach Cichanoŭskaha, Mikałaja Statkieviča ŭtrymlivali ŭ Hłybokim u kamiery, dzie navat łokci niemahčyma raźvieści.
Da Statkieviča, pa słovach Cichanoŭskaha, taksama pryjazdžali z prapanovami pisać prašeńnie ad pamiłavańni, ale Statkievič plunuŭ im u tvar.
Zdaryŭsia na mitynhu i nievialički incydent. Na schod pryjšoŭ čałaviek, jaki staŭ skandavać Cichanoŭskim «Hańba».
Im akazaŭsia Śviatasłaŭ Milajkoŭski, były kaardynatar štaba Viktara Babaryki pa Frunzienskim rajonie. Kaža, što hladzieŭ tranślacyju sustrečy i tak aburyŭsia, što syšoŭ z pracy i pryjechaŭ siudy. Jon staŭ kryčać, što Cichanoŭskija — pahroza nacyjanalnaj biaśpiecy Litvy.
Mitynhoŭcy stali kryčać «Hańba» ŭ adkaz jamu.
Palicyja adviała Milajkoŭskaha da svajoj mašyny. Paśla pravierki dakumientaŭ jaho adpuścili.
Jak vyśvietliła «Naša Niva», Milajkoŭski ŭ 2020 hodzie byŭ nie tolki ŭ štabie Babaryki, ale i ŭ štabie Valera Capkały. Paźniej jon byŭ hościem błohiera Virusa (Kandracienki).
Usiaho pa acency pradstaŭnikoŭ vilenskaj palicyi, na akcyju sabrałasia kala 350 čałaviek.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI2
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
Dno, jak jość.