Źniščalniki VPS Hiermanii napiaredadni ranicaj padymalisia ŭ pavietra dla pierachopu rasijskaha samalota-raźviedčyka
Ranicaj 27 červienia, jak stała viadoma Bild, niamieckija źniščalniki padnialisia pa tryvozie, kab pierachapić rasijski samalot-raźviedčyk Ił-20M, jaki vylecieŭ z Kalininhrada biez palotnaha płana i raspaznavalnaha sihnału. Ił-20M lacieŭ u bok mižnarodnaj pavietranaj prastory pamiž Polščaj i Hiermanijaj.
U 9:16 ranicy NATA aktyvavała sistemu ekstranaha reahavańnia — i ŭžo praz 16 chvilin dva źniščalniki Eurofighter uźlacieli z avijabazy Łahie niedaloka ad Rostaka. U 9:54 jany ŭstanavili vizualny kantakt z rasijskim samalotam nad Bałtykaj, u rajonie polskaha horada Kałabžeh — usiaho za sto kiłamietraŭ ad niamieckaha ŭźbiarežža.
U vyniku Ił-20M nie parušyŭ pavietranuju prastoru Hiermanii i paviarnuŭ na poŭnač prykładna ŭ 40 kiłamietrach ad vostrava Uziedam. Adzin ź źniščalnikaŭ supravadžaŭ samalot da rajona dackaha vostrava Barncholm. Paśla hetaha abodva Eurofighter paśpiachova viarnulisia na bazu.
Z pačatku hoda, pavodle śćviardžeńnia krynic BILD, heta ŭžo dziaviaty vypadak, kali NATA padymaje źniščalniki dla pierachopu rasijskich vajennych samalotaŭ.
-
«Paśla apošniaj razmovy z maim papiarednikam bomby ŭpali na dziciačuju balnicu va Ukrainie». Mierc upeŭnieny, što nie treba ŭhavorvać Pucina
-
Rasija pašyryła svajo pradpryjemstva pa vytvorčaści stratehičnych bambavikoŭ. Ale sistemnych prablem heta nie vyrašaje
-
U Detrojcie raskidali ź viertalota tysiačy dalaraŭ. Usim dastałosia patroški
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»23
Kamientary