Čały: Łukašenka hatovy pierastupić cieraz asabistuju nianaviść dziela šancu raskałoć emihracyju
«Vyzvaleńnie Cichanoŭskaha stała vynikam paśpiachova praviedzienaj apieracyi suprać Łukašenki. I ŭ joj udzielničali dziasiatki ekśpiertaŭ, palitykaŭ, aktyvistaŭ i prosta nieabyjakavych ludziej».
Analityk Siarhiej Čały pierakanany, što śpiecpasłańnik Trampa Kit Kiełah prylataŭ u Minsk u pošukach taho, chto dapamoža vyrašyć pytańnie z Rasijaj. Zajavy Kiełaha ŭ tvitary paśla vizitu i słovy pradstaŭnika Biełarusi ŭ AAN Valancina Rybakova paćviardžajuć heta, kaža Čały ŭ svajoj prahramie. Jon zhadvaje, što jašče ŭ 2022-m Łukašenka staŭ pradavać siabie jak čałavieka, jaki maje ŭpłyŭ na Pucina.
«Nu i dalej u maim ujaŭleńni ŭsio vyhladaje prykładna tak. Čamu b dziela hetaha ZŠA i nie pahavaryć z Łukašenkam? I ŭžo mienavita biełaruski bok nastajaŭ na asabistym udziele ŭ delehacyi Kiełaha. (…)
A ŭžo vyzvaleńnie 14 zakładnikaŭ było ŭmovaj amierykanskaha boku. I voś pra toje, što prysutnaść Kiełaha sama pa sabie była pryzam dla Łukašenki, śviedčyli ŭsie jaho pavodziny. Jon ža litaralna śviaciŭsia, jak samavar, vilaŭ chvastom i skakaŭ na kresły. Miarkujučy pa ŭsim, ničoha inšaha Łukašenku i nie było prapanavana».
Ale čamu Łukašenka adpuściŭ Siarhieja Cichanoŭskaha, jakoha ŭsprymaje jak asabistaha voraha?
«Na maju asabistuju dumku, heta stała vynikam staranna spłanavanaj, paśpiachova praviedzienaj infarmacyjna-psichałahičnaj apieracyi, apieracyi suprać Łukašenki. I ŭ joj udzielničali dziasiatki ekśpiertaŭ, palitykaŭ, aktyvistaŭ i prosta nieabyjakavych ludziej, jakija ŭsie kazali, što Cichanoŭski na voli razvalić usiu biełaruskuju imihracyju. I apieracyja akazałasia nastolki paśpiachovaj, što mienavita hetaj łohikaj siłaviki kiravalisia, kali tłumačyli Łukašenku, čamu jaho nieabchodna vypuścić», — ź ironijaj tłumačyć Čały.
«Łukašenka nikoli b na heta nie pajšoŭ, kali b jaho ŭłasnyja siłaviki nie pierakanali jaho ŭ tym, što heta ich śpiecyjalnaja apieracyja, doŭhaterminovyja vyniki ad jakoj pieravyšajuć piersanalnyja vydatki Łukašenki. I stała mahčymaja hetaja apieracyja suprać karnych orhanaŭ i Łukašenki ŭ pryvatnaści ŭ pieršuju čarhu tamu, što jana idealna kłałasia na ich śvietapohlad, ja b navat skazaŭ, ich antrapałohiju, ujaŭleńnie ab tym, što čałaviek — haŭno, słaby, karyślivy i pradažny».
Čały robić jašče adnu vysnovu: toje, što adbyvajecca ŭ emihracyi, dla Łukašenki nastolki važna, što jon hatovy pierastupić cieraz asabistuju nianaviść dziela šancu jaje raskałoć.
Ciapier čytajuć
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy9
«Narod pavinien na hetu ŭładu malicca». Łukašenka patrabuje, kab paśla armii chłopcy viartalisia stroha na raniejšyja miescy pracy
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami77
Kamientary
Sapraŭdnych pryčyn moža być šmat: ad najaŭnaści Cichanoŭskaha ŭ śpisie amierykancaŭ da drennaha stana zdaroŭja Siarhieja, jaki vyrašyli nie davodzić da "ciažka zachvareŭ/pamior za kratami".
Čały zvyksia ŭsio žyćcio abmiarkoŭvać Łukašenku, voś u jaho i viersija, što toj Łukašenka - centralnaja, hałoŭnaja fihura pieramoŭ i z ZŠA.
Kali "Łukašenka staŭ pradavać siabie jak čałavieka, jaki maje ŭpłyŭ na Pucina", to jaho nibyta i kupili. Ale ž tavaram mahło być i niešta inšaje.
Naprykład, viersija, jakaja maje stolki ž paćviardžeńniaŭ, jak astatnija:
Vizit Kiełaha mieŭ metaju prypynić rost vajskovaha supracoŭnictva łukašenkaŭskaj Biełarusi ź Iranam i abaznačyć "čyrvonyja linii" budučych vajskovych vučeńniaŭ Biełarusi i Rasiei.
Vyzvaleńnie palitviaźniaŭ - nie hałoŭnaja meta pieramoŭ, a znak vietlivaści, paralelny suciašalny pryz. Kamuści ŭ znak sustrečy na vysokim uzroŭni prynosiać haścincy, tut u znak sustrečy vypuścili i hrupu viaźniaŭ.
Praca pa vyzvaleńniu pačałasia pry papiaredniaj amierykanskaj administracyi i praciahvajecca pry kožnaj nahodzie.
Čały: Łukašienko hotov pieriestupiť čieriez ličnuju nienavisť radi šansa raskołoť emihraciju.
Vam chorošich analitikov sovsiem nie žałko?