Kavaleŭski: Cichanoŭskija nie razumiejuć dalikatnaści i składanaści humanitarnaha treku, jaki pryvioŭ da vyzvaleńnia 300 palitviaźniaŭ
Były pradstaŭnik pa zamiežnych spravach u składzie Abjadnanaha pierachodnaha kabinieta, a ciapier kiraŭnik Ahienctva jeŭraatłantyčnaha supracoŭnictva Valer Kavaleŭski, jaki paśla zvalnieńnia z APK pierajšoŭ u apazicyju da Śviatłany Cichanoŭskaj, u fejsbuku rezka raskrytykavaŭ jaje adkaz na pytańnie «Lusterka» paśla mitynhu salidarnaści ŭ Vilni.
Adkazvajučy na pytańnie, ci jość adčuvańnie, što vyzvaleńnie Siarhieja Cichanoŭskaha i inšych 13 źniavolenych moža padšturchnuć jeŭrapiejskich palitykaŭ da niejkich krokaŭ i namahańniaŭ, kab cisnuć na biełaruski režym dla vyzvaleńnia astatnich, Śviatłana Cichanoŭskaja skazała:
«Za piać hadoŭ Jeŭrasajuz ciśnie davoli mocna na režym Łukašenki. Jość navat prychilniki pieramien, jakija chacieli b kab hetaha cisku było mienš.
Naša zadača adna — kab było bolš cisku na režym i bolš dapamohi biełarusam. My hetuju našu pazicyju danosim. I my ŭžo vielmi šmat damahlisia na mižnarodnaj arenie, z našymi jeŭrapiejskimi partniorami. Jany nas čujuć.
Niadaŭna ŭ nas była kansultacyjnaja hrupa. Tam było vyrazna skazana, što ni kroku nazad, što Jeŭrapiejski sajuz z nami. U ich niama nivodnaj pryčyny asłablać sankcyi albo iści na pieramovy z Łukašenkam, tamu što represii praciahvajucca, ludziej praciahvajuć sadžać, u našaj krainie [praciahvajecca] humanitarny i palityčny kryzis.
My ŭsie pamiatajem, što Łukašenka ŭciahnuŭ našu krainu ŭ vajnu. I Łukašenku za heta treba pryciahvać da adkaznaści, a nie zaihryvać ź im. Voś takaja vielmi ćviordaja tryvałaja pazicyja».
Reahujučy na apošniaje vykazvańnie, Valer Kavaleŭski piša:
«Mienavita «zaihryvańni» amierykancaŭ z Łukašenkam, viadomyja ŭsim jak dypłamatyčnyja pieramovy Vašynhtona ź Minskam z metaj vyzvaleńnia palityčnych źniavolenych, pryviali da taho, što Siarhiej Cichanoŭski na voli.
Atrymlivajecca, Śviatłana dziakuje ZŠA i adnačasova krytykuje za adno toje ž dziejańnie. U takoj dvaistaści jość imia i nie adno.
Čytajučy apošnija zajavy pary Cichanoŭskich, stvarajecca ŭražańnie, što jany nie razumiejuć dalikatnaści i składanaści treka humanitarnaj dypłamatyi, jaki pryvioŭ da vyzvaleńnia bolš za 300 palitviaźniaŭ.
Pahroza dla astatnich viaźniaŭ zastajecca. Treba karystacca tymi padychodami, jakija ŭžo spracavali:
- nie kidacca pustymi pahrozami;
- vieści z režymam aktyŭnuju dypłamatyju;
- vykarystoŭvać dziejnyja nievajennyja sankcyi dla vyzvaleńnia ludziej».
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim
Sacyjołah raskazaŭ, ci supadaje z nastrojami hramadstva žadańnie Cichanoŭskaha złamać režym
Były viazień ździviŭ Cichanoŭskaha — jany siadzieli ŭ susiednich kamierach
Chto toj biełarus, jaki zahałasiŭ na mitynhu, što Siarhiej i Śviatłana Cichanoŭskija — «hańba i pahroza nacyjanalnaj biaśpieki Litvy»
Cichanoŭski raskazaŭ pra strašnyja ŭmovy, u jakich siadzić Statkievič
Ciapier čytajuć
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary