«Paśla apošniaj razmovy z maim papiarednikam bomby ŭpali na dziciačuju balnicu va Ukrainie». Mierc upeŭnieny, što nie treba ŭhavorvać Pucina
Fiederalny kancler Hiermanii Frydrych Mierc u intervju Süddeutsche Zeitung padkreśliŭ, što šukańnie ŭsich mahčymych šlachoŭ da miru nie pavinna admianiać realistyčnaha pohladu na impieryjalistyčnyja namiery Maskvy.
«Paśla apošniaj razmovy z maim papiarednikam bomby ŭpali na dziciačuju balnicu va Ukrainie. Kali voś takija nastupstvy majuć padobnyja zvanki, ja jašče doŭha budu trymacca ŭbaku», — zajaviŭ niamiecki kancler.
Pa słovach Mierca, prezident ZŠA Donald Tramp užo «prajaŭlaje ŭsio bolšy skiepsis» da Pucina i stanovicca bolš krytyčnym.
U Jeŭropie, miarkuje jon, panuje vialikaje adzinstva ŭ dačynieńni da ahresii Rasii suprać Ukrainy:
«Mnie zdajecca, što i prezident Tramp usio bolš nabližajecca da hetaj acenki», — adznačyŭ kancler.
Mierc padkreśliŭ svaje dobryja adnosiny z prezidentam ZŠA:
«My adrazu znajšli ź im ahulnuju movu. Paśla našaj pieršaj sustrečy jon dasłaŭ mnie SMS, dzie vykazaŭ heta napramuju. Vidavočna, paśla sustrečy ŭ Biełym domie ŭ pačatku červienia Tramp adčuŭ, što pamiž nami jość «chimija», i my možam mieć dobryja znosiny».
Nadziei na toje, što Tramp usio ž padtrymaje bolš strohija sankcyi suprać Maskvy, Mierc taksama nie hublaje:
«Pahladzim, što budzie ŭ najbližejšyja dni. ZŠA ciapier praciahvajuć padtrymku Ukrainy — heta ŭžo samo pa sabie nie było harantavanym», — padkreśliŭ jon.
Akramia hetaha, Mierc pieraściaroh ad niedaacenki pahrozy, jakuju ŭjaŭlaje Rasija, u tym liku i dla Hiermanii:
«U častki našaha nasielnictva jość hłyboka ŭkaraniony strach pierad vajnoj. Ja jaho nie padzialaju, ale razumieju. Uvohule pravilna — šukać usie mahčymyja šlachi da miru. Ale patrebny i realistyčny pohlad na impieryjalistyčnyja namiery Maskvy».
Frydrych Mierc nahadaŭ pra palityku załahodžvańnia pierad Druhoj suśvietnaj vajnoj, jakaja zaklučałasia ŭ sastupkach nacysckaj Hiermanii:
«My nie pavinny dapuścić, kab takaja pamyłka paŭtaryłasia. Ciapier Hiermanija nie źjaŭlajecca abaronazdolnaj. My nie majem prava hublać čas. Srodki jość — nie chapaje jašče piersanału i techniki. Davoli chutka daviadziecca viarnucca da pytańnia vajskovaj pavinnaści».
«Heta ryzykoŭna, ale pakidać jak jość taksama nie varyjant». Frydrych Mierc padtrymaŭ udary ZŠA pa Iranie
Mierc: Izrail robić hetu brudnuju pracu za nas
Mierc kateharyčna suprać pasiarednictva Pucina na Blizkim Uschodzie
Mierc pryjechaŭ u Vašynhton i padaryŭ Trampu paśviedčańnie ab naradžeńni jaho dzieda
Mierc paabiacaŭ dapamahčy Ukrainie z raspracoŭkaj ułasnaj dalnabojnaj zbroi
Mierc čakaje zaciažnuju vajnu praź niežadańnie Rasii vieści pieramovy
Ciapier čytajuć
Zatrymali adnaho z udzielnikaŭ juvielirnaha brenda Belaruskicry Jahora Bužyłava. Prapahandysty pakazali jaho2
Kamientary
Za toje Paźniak choča z Łukašenkam damaŭlacca.
Usie pieraviarnułasia ŭ śviecie