Nieviadomyja nazyvajucca žurnalistami žoŭtaj presy i pišuć biełarusam z prapanovaj ustupić u kamandu Siarhieja Cichanoŭskaha
Nieviadomyja pišuć biełarusam, pradstaŭlajučysia žurnalistami, i prapanujuć ustupić u kamandu Siarhieja Cichanoŭskaha. A potym pieradavać im «insajdarskuju» infarmacyju. Pra heta raspaviali ŭ pres-słužbie ofisa Śviatłany Cichanoŭskaj, piša «Lusterka».
Vierahodna, takim čynam siłaviki chočuć vyśvietlić, što budzie rabić błohier i chto dałučycca da jaho. Jak paviedamili ŭ ofisie, prapanova prychodzić u Telegram z akaŭnta @aktopiks. Adtul ludziej pieranakiroŭvajuć na rachunak @aleksjon2.
Nieviadomy pradstaŭlajecca «papularnym skandalnym žurnalistam žoŭtaj presy», jaki pracuje na šerah jeŭrapiejskich vydańniaŭ jak pazaštatny žurnalist. Jon śćviardžaje, što źbiraje insajdy i piša «bambičnyja artykuły» dla miedyja ŭ Hiermanii, Vialikabrytanii, Francyi i ZŠA.
«Papularny žurnalist» vielmi cikavicca Siarhiejem Cichanoŭskim i zapeŭnivaje, što «naviny ź im jašče buduć papularnyja niekalki hadoŭ». A tak jak jon choča» pieršym pisać bambičnyja artykuły», patrebny čałaviek pobač z błohieram.
— My b chacieli, kab ty trapiŭ u jaho kamandu, — prapanuje nieviadomy. — My tabie budziem płacić za heta. Nam hałoŭnaje pisać pra jaho rezkija naviny i mieć mahčymaść brać intervju adnymi ź pieršych. Naša meta — kab pra jaho kazała ŭsia Jeŭropa, my maksimalna starajemsia prynizić Rasiju i Biełaruś na suśvietnaj arenie, tamu što jany tolki stvarajuć pahrozu svaim teroram!
Padobnyja paviedamleńni ŭ pres-słužbie nazvali pravakacyjaj. A taksama zaklikali być aściarožnymi, bo mohuć pradprymacca novyja sproby vykarystoŭvać ludziej.
Nahadajem, 1 lipienia Siarhiej Cichanoŭski zajaviŭ, što nabiraje kamandu i choča abjadnać siły dla naniasieńnia «mahutnaha ŭdaru pa łukašyzmu». Jon prapanavaŭ achvotnym dałučycca zapoŭnić anłajn-zajaŭku pa spasyłcy, jakaja apublikavanaja pad rolikam na YouTube-kanale «kraina dla žyćcia». Pa słovach błohiera,»usio roŭna, u jakim horadzie ci krainie vy žyviacie, pracy chopić usim».
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary