Tramp zajaviŭ, što nie viedaje, ci zmoža spynić vajnu Rasii va Ukrainie
«Ja nie mahu skazać vam, adbudziecca heta ci nie».
Prezident ZŠA Donald Tramp zajaviŭ, što jon nie ŭpeŭnieny, ci zmoža pakłaści kaniec vajnie Rasii suprać Ukrainy.
«Ja nie viedaju. Ja nie mahu skazać vam, adbudziecca heta ci nie», — skazaŭ u piatnicu Tramp žurnalistam, kali jaho spytali, ci ŭpeŭnieny jon u tym, što zmoža pakłaści kaniec bajavym dziejańniam, piša Politico.
Kali jaho spytali, ci źjaŭlajecca spynieńnie vajny pryjarytetam, Tramp adkazaŭ: «Tak. Ja b chacieŭ pahladzieć, jak heta adbudziecca».
Na praciahu ŭsioj pieradvybarčaj kampanii Tramp abiacaŭ spynić bajavyja dziejańni pamiž dźviuma krainami ŭ pieršy ž dzień paśla ŭstupleńnia na pasadu. Paźniej jon admoviŭsia ad svaich słoŭ u intervju časopisu TIME, nazvaŭšy hetaje abiacańnie «pierabolšańniem».
«My dapamahli mnohim krainam», — zajaviŭ Tramp u piatnicu. «Situacyja va Ukrainie — heta ździełka Bajdena. Heta nie ździełka Trampa. Ja sprabuju davieści jaje da kanca».
Tramp imknuŭsia stać pasiarednikam u zaklučeńni mirnaha pahadnieńnia pamiž dźviuma krainami. Ale ŭ minułym jon pahražaŭ vyjści z vajny na fonie rostu svajho rasčaravańnia tym, što bajavyja dziejańni praciahvajucca.
Na hetym tydni Tramp razmaŭlaŭ pa telefonie z Pucinym i Zialenskim. Razmova z Pucinym, pa jaho słovach, nie pryniesła «nijakaha prahresu».
«Jon choča iści da kanca, prosta praciahvać zabivać ludziej, heta kiepska», — skazaŭ Tramp u piatnicu.
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Tramp skazaŭ Zialenskamu, što choča dapamahčy Ukrainie z supraćpavietranaj abaronaj
Zialenski pahavaryŭ z Trampam pa telefonie. Abmierkavali pastaŭki zienitnych rakiet
Tramp zajaviŭ, što padčas čarhovaj razmovy z Pucinym nie dabiŭsia nijakaha prahresu pa Ukrainie
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž23
Kamientary