Słavakija admaŭlajecca zdymać vieta z novaha pakieta sankcyj ES suprać Rasii
Słavakija paćvierdziła, što nie padtrymaje 18-y pakiet sankcyj Jeŭrasajuza suprać Rasii, pakul nie buduć uličanyja jaje intaresy. Pytańnie razhladałasia na pasiadžeńni Kamiteta pastajannych pradstaŭnikoŭ ES, piša Euronews.
Niahledziačy na nadziei dypłamataŭ na chutki kampramis, Bracisłava praciahvaje błakavać rašeńnie, asabliva ŭ častcy, jakaja tyčycca pastupovaj admovy ad rasijskaha vykapniovaha paliva da kanca 2027 hoda.
Pavodle ŭmovaŭ sankcyj, karotkaterminovyja zakupki rasijskich nafty i hazu pavinny spynicca ŭžo da kanca 2025 hoda, a da 2027-ha maje adbycca poŭnaja ad ich admova. Słavakija, jak kraina biez vychadu da mora, vystupaje suprać takoha padychodu, aścierahajučysia rostu cenaŭ, paharšeńnia kankurentazdolnaści i ryzyki dla enierhietyčnaj biaśpieki.
Paśla apošniaha samitu ES premjer-ministr Słavakii Robiert Fica zapatrabavaŭ finansavuju kampiensacyju za mahčymyja straty, źviazanyja z admovaj ad rasijskaha hazu, choć dakładnyja ličby nie nazyvaŭ. Jon śćviardžaje, što Słavakii pahražaje pazoŭ ad «Hazprama» na sumu ad 16 da 20 miljardaŭ jeŭra, bo dziejny kantrakt dziejničaje da 2034 hoda. Jeŭrakamisija ž nastojvaje, što heta možna budzie acanić jak fors-mažor.
Na minułym tydni ŭ Słavakiju prybyła misija jeŭrapiejskich ekśpiertaŭ, kab abmierkavać pytańni dyviersifikacyi enierhazabieśpiačeńnia i dapamahčy krainie padrychtavacca da pierachodu na inšyja krynicy enierhii. Namieśnica premjera i ministarka ekanomiki Denisa Sakava adznačyła, što pieramovy ź Jeŭrakamisijaj byli važnym krokam, adnak pra praryŭ pakul nie paviedamlałasia.
Brusel pakul nie hatovy abmiarkoŭvać novyja subsidyi, ale zajaŭlaje, što pracuje nad stabilnaściu pastavak dla Słavakii. Jeŭrakamisar pa enierhietycy Dan Jorhiensen zajaviŭ, što z razumieńniem stavicca da kłopataŭ Słavakii i što Jeŭrasajuz šukaje rašeńni razam z susiednimi krainami, kab nie dapuścić deficytu abo rezkaha rostu cenaŭ.
Nastupnaje pasiadžeńnie pasłoŭ ES — 11 lipienia, a sustreča kiraŭnikoŭ MZS krain ES — 16 lipienia. Dypłamaty spadziajucca, što kampramis udasca znajści da taho času.
ES praciahnuŭ ekanamičnyja sankcyi suprać Rasii jašče na paŭhoda
Ministr zamiežnych spraŭ Słavakii zajaviŭ, što, mahčyma, Rasii treba «daravać usio, što adbyłosia»
Vienhryja i Słavakija zabłakavali novy pakiet sankcyj ES suprać Biełarusi i Rasii
Pasoł Słavakii salidaryzavaŭsia z Łukašenkam i vystupiŭ suprać padtrymki Ukrainy
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž14
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary