Pasoł Słavakii salidaryzavaŭsia z Łukašenkam i vystupiŭ suprać padtrymki Ukrainy
Pasoł Słavakii ŭ Biełarusi Jozef Mihaš u intervju telekanału «Biełaruś 1» vykazaŭsia suprać pastavak zachodniaj zbroi va Ukrainu. Jon ličyć, što «napampoŭvańnie» krainy zbrojaj tolki addalaje mahčymaść mirnaha vyrašeńnia kanfliktu.
Jozef Mihaš padkreśliŭ, što samaja lepšaja vajna — heta taja, jakaja nikoli nie pačynałasia. Kali ŭ vajnie vykarystoŭvajucca samaloty i tanki — heta, maŭlaŭ, nie vychad ź jaje. Jon ličyć, što šlach da vyrašeńnia kryzisu — pieramovy, i padtrymlivaje ŭ hetym Alaksandra Łukašenku. Taksama jon uchvalna vykazaŭsia pra jašče adno vykazvańnie Łukašenki: «Dla majoj krainy samaje važnaje — mir i dabrabyt naroda».
Mihaš zajaviŭ, što choča adnavić dobryja adnosiny pamiž Biełaruśsiu i Słavakijaj, bo ličyć, što hetyja słavianskija krainy majuć šmat ahulnaha i nie pavinny być vorahami.
Taksama słavacki dypłamat z abureńniem adznačyŭ, što z-za sankcyj ES jamu daviałosia pryjazdžać u Biełaruś na ŭłasnym aŭtamabili.
Pavodle słoŭ pradstaŭnika Słavakii, Biełaruś pieražyła hienacyd, i jon źbirajecca ŭziać udzieł u mierapryjemstvach 22 červienia ŭ Breście ŭ pamiać ab pačatku vajny nacysckaj Hiermanii z SSSR.
Jon zajaviŭ, što «budzie hetuju praŭdu abaraniać» i padkreśliŭ, što Jeŭropu vyzvaliła Čyrvonaja Armija, bieź jakoj słavianam «była b biada».
Ciapier čytajuć
Škołu dla dziaciej ź psichičnymi asablivaściami ŭ Minsku pierarobiać u kadeckaje vučylišča. Da realizacyi išli 18 hadoŭ12
Kamientary