«Vada z druhoha paviercha topić pieršy i traplaje ŭ lifty». Adzin z damoŭ u «Minsk-Śviecie» znoŭ papłyŭ
Žychary «Minsk-Śvietu» kožny raz z žacham čakajuć zalevaŭ, jakija hetym letam adbyvajucca ŭ stalicy amal što kožny dzień. Z-za daždžoŭ pakutujuć mnohija novabudoŭli kvartała.
U aŭtorak patop adbyŭsia ŭ domie «Marakieš» na vulicy Leanida Levina, 2. Videa zatapleńnia vyhladajuć davoli epična, piša Onliner.by.
Pra situacyju raspaviała žycharka doma «Marakieš»:
— Kožny raz, kali idzie doždž, adbyvajecca takaja situacyja. Vada z terasy druhoha paviercha topić pieršy. U tym liku vada traplaje ŭ lifty, jakija paśla hetaha adklučajuć na prasušku.
— Zajaŭki ŭ servisnuju arhanizacyju pakidajucca rehularna, ale nie atrymlivajuć adkazu, — kaža dziaŭčyna. — Nakolki ja viedaju, u niekatorych inšych damach padobnaja situacyja.
Z takoj «mokraj prablemaj» sapraŭdy sutykajucca žychary mnohich novabudoŭlaŭ «Minsk-Śvietu». Liŭni čas ad času vyklikajuć patop u damach «Hłazha», «Mazurka», «Vieniecyja», «Barsiełona», «Sinhapur» i inšych. Servisnaja arhanizacyja starajecca reahavać na toje, što adbyvajecca, ale zalivańni praciahvajucca.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary