«Вада з другога паверха топіць першы і трапляе ў ліфты». Адзін з дамоў у «Мінск-Свеце» зноў паплыў
Жыхары «Мінск-Свету» кожны раз з жахам чакаюць залеваў, якія гэтым летам адбываюцца ў сталіцы амаль што кожны дзень. З-за дажджоў пакутуюць многія новабудоўлі квартала.
У аўторак патоп адбыўся ў доме «Маракеш» на вуліцы Леаніда Левіна, 2. Відэа затаплення выглядаюць даволі эпічна, піша Onliner.by.
Пра сітуацыю распавяла жыхарка дома «Маракеш»:
— Кожны раз, калі ідзе дождж, адбываецца такая сітуацыя. Вада з тэрасы другога паверха топіць першы. У тым ліку вада трапляе ў ліфты, якія пасля гэтага адключаюць на прасушку.
— Заяўкі ў сэрвісную арганізацыю пакідаюцца рэгулярна, але не атрымліваюць адказу, — кажа дзяўчына. — Наколькі я ведаю, у некаторых іншых дамах падобная сітуацыя.
З такой «мокрай праблемай» сапраўды сутыкаюцца жыхары многіх новабудоўляў «Мінск-Свету». Ліўні час ад часу выклікаюць патоп у дамах «Глазга», «Мазурка», «Венецыя», «Барселона», «Сінгапур» і іншых. Сэрвісная арганізацыя стараецца рэагаваць на тое, што адбываецца, але заліванні працягваюцца.
Трагедыя з 30‑гадовай доктаркай са Старобіна — пайшла выдаляць зуб мудрасці і памерла23
Каментары