Złučanyja Štaty Amieryki raźmiaścili sučasnyja jadziernyja bomby B61-12 na svajoj najbujniejšaj avijabazie ŭ Jeŭropie — Lejkienchit, što ŭ anhlijskim hrafstvie Safałk. Heta adbyłosia ŭpieršyniu z 2008 hoda, kali z brytanskaj terytoryi byli vyviedzienyja apošnija jadziernyja bojeprypasy ZŠA. Ciapier Vialikabrytanija stała šostaj krainaj u Jeŭropie, dzie znachodzicca amierykanskaja jadziernaja zbroja, razam ź Bielhijaj, Hiermanijaj, Italijaj, Niderłandami i Turcyjaj, piša The Moscow Times.
B61-12 — heta madernizavanaja viersija asnoŭnaj amierykanskaj jadziernaj bomby z rehulavanaj mahutnaściu vybuchu: ad 0,3 da 50 kiłatonn (dla paraŭnańnia — u Chirasimie była vykarystanaja bomba mahutnaściu kala 15 kiłatonn). Bomba zdolnaja płaniravać u pavietry i dakładna traplać u cel, zapuściŭšysia z samalota na vialikaj vyšyni.
Vašynhton aficyjna abviaściŭ pra namiery raźmiaścić takoje ŭzbrajeńnie ŭ Vialikabrytanii jašče ŭ studzieni 2025 hoda ŭ ramkach prahramy jadziernaha strymlivańnia NATA.
Raźmiaščeńnie novych bombaŭ adbyvajecca na fonie paharšeńnia adnosin z Rasijaj i rostu napružanaści ŭ Jeŭropie. Heta razhladajecca jak źmiena jadziernaj stratehii NATA, nakiravanaja na ŭmacavańnie «jadziernaha parasona» nad jeŭrapiejskimi sajuźnikami.
Baza Lejkienchit u časy Chałodnaj vajny ŭžo vykarystoŭvałasia dla zachoŭvańnia jadziernaj zbroi. Paśla 2008 hoda jana była ad jaje «ačyščanaja», ale ciapier, u adpaviednaści z dakumientami Pientahona, byli pabudavanyja novyja biaśpiečnyja schoviščy dla zachoŭvańnia jadziernych bojeprypasaŭ. U Lejkienchicie dysłakujucca bolš za 50 samalotaŭ F-35A, jakija zdolnyja nieści B61-12.
Pavodle vydańnia The UK Defence Journal, viartańnie jadziernaj zbroi na brytanskuju terytoryju — značny sihnał, jaki moža źmianić siły strymlivańnia ŭ Jeŭropie. Heta śviedčyć pra novy etap u palitycy biaśpieki NATA i pavyšeńnie hatoŭnaści da mahčymych vyklikaŭ z boku Rasii.
U vypadku napadu rasijskija siły ŭ Kalininhradzie buduć niejtralizavanyja imhnienna — kamandujučy siłami ZŠA
Źjaviłasia novaje śviedčańnie pabudovy rasijanami sakretnaj jadziernaj bazy ŭ Asipovičach
Jak Tramp vykarystoŭvaje «teoryju varjata», kab mianiać śviet pad siabie. I ŭ jaho atrymlivajecca
Rasija pašyryła svajo pradpryjemstva pa vytvorčaści stratehičnych bambavikoŭ
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii18
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4141
Kamientary