Źjaviłasia novaje śviedčańnie pabudovy rasijanami sakretnaj jadziernaj bazy ŭ Asipovičach
Rasija ŭzmacniaje svaju jadziernuju infrastrukturu na fonie praciahłaha kanfliktu va Ukrainie i rostu napružańnia z Zachadam. Pavodle spadarožnikavych zdymkaŭ Planet Labs, atrymanych Business Insider, maštabnaje budaŭnictva idzie na piaci sakretnych jadziernych abjektach, adzin ź jakich u Biełarusi.
Pryblizna za 8 km na ŭschod ad Asipovičaŭ raźmieščana 1405-ja baza bojeprypasaŭ, dzie, zhodna z analizam fota, u 2025 hodzie źjaviŭsia novy, abharodžany trochsłajovaj aharodžaj učastak z vysokim uzroŭniem biaśpieki.
U jaho paŭnočna-ŭschodnim kucie ciapier staić schovišča, vierahodna pryznačanaje dla taktyčnych jadziernych zaradaŭ. Uvachod da hetaha ŭčastka zakryty ad spadarožnikaŭ, što śviedčyć pra pavyšanuju sakretnaść.
Analityk Hans Krystensen ź Fiederacyi amierykanskich navukoŭcaŭ taksama adznačyŭ budaŭnictva placoŭki razhruzki i novaj darohi, jakaja moža złučyć bazu z čyhunkaj. Taki transpartny vuzieł maje klučavoje značeńnie dla pieravozki jadziernych bojehałovak, jakija Rasija, jak praviła, transpartuje nie pavietram, a čyhunačnym šlacham.
U Asipovičach, pa danych rasśledavalnikaŭ, isnuje jašče adna baza, tam raźmieščany puskavyja ŭstanoŭki «Iskander». Jany zdolnyja zapuskać rakiety ź jadziernymi zaradami na adlehłaść da 500 km. Pavodle Krystensena, haraž dla hetych ustanovak byŭ pabudavany, kali Rasija pieradała «Iskandery» Biełarusi ŭ kancy 2022 hoda.
Da siaredziny 2025 hoda baza značna pašyryłasia: źjavilisia novyja budynki i schoviščy, a na zdymkach bačny ślady kołaŭ ciažkich transpartnych srodkaŭ, što śviedčyć pra aktyŭnaje vykarystańnie.
Niahledziačy na infrastrukturnuju hatoŭnaść, ekśpierty ličać, što sami jadziernyja zarady pakul znachodziacca na terytoryi Rasii, naprykład, u Bransku. Jany mohuć być dastaŭleny na biełaruskuju terytoryju pry nieabchodnaści. Pavodle acenak, hałoŭnaje pryznačeńnie hetych zbudavańniaŭ — rychtavać dla RF mahčymaść apieratyŭnaha razhortvańnia taktyčnych jadziernych uzbrajeńniaŭ u Biełarusi.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary