Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha
Deputat Viarchoŭnaha Savieta i žurnalist Siarhiej Navumčyk u svaim fejsbuku z nahody hadaviny pryniaćcia Dekłaracyi ab dziaržaŭnym suvierenitecie parazvažaŭ pra toje, što zastałosia ad biełaruskaj niezaležnaści i čamu biełarusam varta canić i toje, što jany majuć.
Hadavina pryniaćcia Dekłaracyi ab dziaržaŭnym suvierenitecie adnaviła sprečku, ci Biełaruś pakul jašče niezaležnaja, ci ŭsie zdabytki 1990-1991 hadoŭ źniščanyja i kraina całkam pad kantrolem Maskvy.
Davajcie abstrahujemsia jak ad emacyjnych, hetak i pravavych dy palitałahičnych acenak i źvierniemsia da hałoŭnaha arhumienta, pra jaki my ŭ haračyni palemiki časta zabyvajemsia. Maju na ŭvazie toje hałoŭnaje, što jość u čałavieka — jahonaje žyćcio.
Voś prosta žyćcio, kali chočacie, banalnaje fizičnaje isnavańnie. Tak, nielha zabyvacca pra nacyjanalnyja kaštoŭnaści, pra čałaviečyja pravy, pra svabodu, pra mahčymaść vybirać uładu, dy pra šmat što inšaje. Ale ŭsio heta hublaje ŭsialaki sens, kali čałaviek hublaje žyćcio.
Ad pačatku 90-ch biełarusy nie hinuć u składzie rasijskaha vojska ŭ «zonach intaresaŭ» Maskvy — ni ŭ Čačni, ni ŭ Siryi, ni ciapier va Ukrainie.
Pucin nie zdolny, jak by jon taho ni žadaŭ, mabilizavać chłopca z samaj maleńkaj paleskaj vioski na vajnu, jak jon moža elemientarna zrabić heta z žycharom maskoŭskaha Kutuzaŭskaha ci picierskaha Nieŭskaha praśpiektaŭ.
Nie ŭratoŭvajuć ad pryzyvu ŭładalnikaŭ pašparta z rasijskim dvuchhałovym arłom i aŭtanomii (mnohija ź jakich, nahadaju, u pačatku 90-ch abviaścili dziaržaŭny suvierenitet). Žychary Buracii, Karelii, Komi, Mardovii, Tatarstana (jaki nasielnictvam značna bolšy za Małdovu i amal u pałovu Biełarusi), dy inšych aŭtanomnych respublik i abłaściej RF mohuć praz tydzień apynucca pad Pakroŭskam, a jašče praz tydzień — viarnucca dadomu ŭ trunie.
Nasielnictvu hetych aŭtanomij zastajecca tolki maryć pra tuju niezaležnaść, jakuju (chaj i ŭ abrezanym pa vinie Łukašenki vyhladzie) majem my, biełarusy.
I, na žal, nie zaŭsiody cenim.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju23
Kamientary
Pa-druhoje hetyja chłopcy i dziaŭčyny z małych viosak jeduć u Minsk, iduć pracavać na dziaržavu i za lhotny kredyt na žytło ŭ spalnym rajonie zrujnujuć žyćcio kaho-zaŭhodna: pasadziać invalida, piensijanierku, maładuju mamu za łajk ci kamientar.
Nie ŭsie takija, kaniešnie, ale treba źniać ružovyja akulary - siarod biełarusaŭ taksama šmat pačvaraŭ jakija za małyja hrošy hatovyja zabivać inšych.
Nie vieru svaim vačam.
Čytačam raju pačytać papiaredni artykuł u jaho fb.