«U nas supolny vorah — impierskaja Rasija». Cichanoŭskaja vystupiła na mitynhu ŭ padtrymku Ukrainy
28 lipienia Śviatłana Cichanoŭskaja dałučyłasia ŭ Vilni da štotydniovaha, užo 148-ha mitynhu ŭ padtrymku Ukrainy. U svaim vystupleńni jana vykazała padtrymku Ukrainie i zaklikała da adzinstva i supolnaha supraćstajańnia ahresaru.
Zhadaŭšy pra štodzionnyja varvarskija ŭdary rasijskaj armii pa mirnym nasielnictvie i cyvilnaj infrastruktury Ukrainy, Cichanoŭskaja padkreśliła:
«Siońnia Ukraina i ŭkraincy zmahajucca nie tolki za siabie — jany zmahajucca za ŭsich nas, za mirnuju Jeŭropu, za ŭvieś cyvilizavany śviet. I našaja z vami zadača — zrabić usio, kab Ukraina nie prosta vystajała, a pieramahła!»
Pry hetym jana zaklikała nie spadziavacca na litaść dyktataraŭ.
«Ni Pucinu, ni Łukašenku nie patrebny mir — jany chočuć vajny. Heta toje, što ŭmacoŭvaje ich režymy, apraŭdvaje represii. Dyktatary razumiejuć tolki movu siły. I my pavinny hetuju siłu demanstravać».
Akramia taho, važnaja i demanstracyja salidarnaści i adzinstva z ukraincami:
«U nas supolny vorah — impierskaja Rasija, i my pavinny hetamu vorahu supraćstajać. Razam. Režymu nie ŭdasca nas raźjadnać i pasvaryć. U nas doŭhaja supolnaja historyja baraćby za svabodu. A samaje važnaje — u našych narodaŭ supolnaja budučynia. U svabodnaj i mirnaj demakratyčnaj Jeŭropie. My da hetaj budučyni idziom, i za jaje zmahajemsia».
Cichanoŭski: Pryjechaŭ by i pacisnuŭ Trampu ruku
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie
Cichanoŭskaja pra spravu Stryžaka: Toje, što zrabiŭ kiraŭnik — nie padstava razburać fundamient
Kamientary