Były hiendyrektar «Ukantakcie» ŭznačaliŭ hulniavuju studyju «Śvietu tankaŭ», jakuju ŭ Rasii nazvali ekstremisckaj i nacyjanalizavali
Novym kiraŭnikom hulniavoj studyi «Lesta» staŭ Barys Dabradziejeŭ.
Pieciarburhskaja studyja «Lesta Hulni» da 2022 hoda była daččynaj strukturaj raspracoŭščyka i vydaŭca videahulniaŭ Wargaming biełaruskaha pradprymalnika Viktara Kisłaha. Jon i były ŭładalnik «Lesty» Malik Chatažajeŭ pryznanyja rasijskim sudom ekstremisckim abjadnańniem.
U krasaviku 2025 hoda na try asnoŭnyja jurydyčnyja asoby «Lesta Hulni» rasijski sud pa pazovie Hienprakuratury Rasii nakłaŭ aryšt. U červieni Tahanski rajonny sud zadavoliŭ pazoŭ da Kisłaha, Chatažajeva, a taksama da hałoŭnaj jurydyčnaj asoby kampanii TAA «Lesta» i TAA «Lesta Hiejms Edžensi», jakaja niepasredna zajmajecca vydańniem hulniaŭ, ab «zabaronie dziejnaści abjadnańnia ŭ suviazi z ažyćciaŭleńniem ekstremisckaj dziejnaści i zvarocie majomaści ŭ dachod dziaržavy».
Barys Dabradziejeŭ uznačaliŭ «Ukantakcie» ŭ 2014 hodzie paśla sychodu zasnavalnika sacsietki Paŭła Durava. Raniej jon pracavaŭ u kampanii USM Holdings, jakaja naležyć Ališeru Usmanavu. U 2016 hodzie Dabradziejeŭ staŭ kiraŭnikom usioj Mail.ru Group (ciapier viadomaja jak VK) u Rasii.
Jon — syn byłoha hiendyrektara NTV i VHTRK Aleha Dabradziejeva.
Kamientary
Lično ja VK nie polzujuś, navierno FSB mienia tam zamiedlajut, stranicy hruziatsia jele-jele, jeśli voobŝie zahružajutsia.