Былы гендырэктар «Укантакце» ўзначаліў гульнявую студыю «Свету танкаў», якую ў Расіі назвалі экстрэмісцкай і нацыяналізавалі
Новым кіраўніком гульнявой студыі «Леста» стаў Барыс Дабрадзееў.
Пецярбургская студыя «Леста Гульні» да 2022 года была даччынай структурай распрацоўшчыка і выдаўца відэагульняў Wargaming беларускага прадпрымальніка Віктара Кіслага. Ён і былы ўладальнік «Лесты» Малік Хатажаеў прызнаныя расійскім судом экстрэмісцкім аб’яднаннем.
У красавіку 2025 года на тры асноўныя юрыдычныя асобы «Леста Гульні» расійскі суд па пазове Генпракуратуры Расіі наклаў арышт. У чэрвені Таганскі раённы суд задаволіў пазоў да Кіслага, Хатажаева, а таксама да галоўнай юрыдычнай асобы кампаніі ТАА «Леста» і ТАА «Леста Геймс Эджэнсі», якая непасрэдна займаецца выданнем гульняў, аб «забароне дзейнасці аб’яднання ў сувязі з ажыццяўленнем экстрэмісцкай дзейнасці і звароце маёмасці ў даход дзяржавы».
Барыс Дабрадзееў узначаліў «Укантакце» ў 2014 годзе пасля сыходу заснавальніка сацсеткі Паўла Дурава. Раней ён працаваў у кампаніі USM Holdings, якая належыць Алішэру Усманаву. У 2016 годзе Дабрадзееў стаў кіраўніком усёй Mail.ru Group (цяпер вядомая як VK) у Расіі.
Ён — сын былога гендырэктара НТВ і ВГТРК Алега Дабрадзеева.
Цяпер чытаюць
У турме памёр былы супрацоўнік КДБ Мікалай Варапай, асуджаны за шпіянаж на карысць Украіны2
Каментары
Лично я VK не пользуюсь, наверно ФСБ меня там замедляют, страницы грузятся еле-еле, если вообще загружаются.