Na eBay źjaviłasia abjava pra prodaž redkaj biełaruskaj załatoj maniety ź sieryi «Zimovyja vidy sportu. Frystajł». Cana jaje niemaleńkaja — 2750 dalaraŭ, zaŭvažyŭ «Smartpres».
Jak paviedamlaje pradaviec, da maniety prykładajecca siertyfikat sapraŭdnaści. U im paznačana, što vaha maniety — 7,78 hrama, a jakaść vykanańnia — «pruf», što ličycca najvyšejšym standartam u numizmatycy.
Pavodle danych Nacbanka Biełarusi, u 2018 hodzie takaja manieta pradavałasia pa 990 rubloŭ (prykładna 470 dalaraŭ pa kursie na toj čas). Ciapier ža ŭ prodažy ŭ Nacbanka ich užo niama, tamu kupić pa staroj canie niemahčyma.
Numizmat Siarhiej Kołbun paćvierdziŭ, što cana ŭ 2750 dołaraŭ abhruntavanaja. Pa jaho słovach, u samoj maniecie zołata prykładna na 900 dalaraŭ, a astatniaja častka koštu nabiahaje z-za vielmi małoha tyražu (usiaho 350 štuk), mastackaj kaštoŭnaści i cikavaści z boku kalekcyjanieraŭ.
Śpiecyjalist adznačyŭ:
«Manieta sapraŭdy kłasnaja i vartaja hetych hrošaj».
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary