Čym zajmalisia supracoŭniki Akreścina da taho, jak uznačalić miesca katavańniaŭ biełarusaŭ?
Akreścina siońnia asacyjujecca ź ludskim horam i katavańniami. I adkaznyja za heta kankretnyja ludzi. Zhadvajem asnoŭnych piersanažaŭ, jakija zapeckali svaje ruki ŭ ździekach ź biełarusaŭ, i raskazvajem, jak vyhladaŭ ich prafiesijny šlach.
Vałanciory pad ścienami izalatara ŭ noč na 12 žniŭnia 2020 hoda zapisali aŭdyja, na jakich čuvać huki ŭdaraŭ, a taksama kryki i stohny ludziej. Z Akreścina vychodzili ŭ siniakach i krovapadciokach, u ślazach.
Śviedčańni pra nialudskaje abychodžańnie z palityčnymi aryštantami tam praciahvajuć źjaŭlacca i siońnia, praź piać hod paśla pratestaŭ.
Pry hetym praź miesiac paśla žnivieńskich padziej prapahandyst Ryhor Azaronak źniaŭ na Akreścina repartaž, pakazaŭšy, jak nibyta cudoŭna tam žyviecca zatrymanym. Usio heta paćviardžaŭ Jaŭhien Šapiećka — načalnik Centra izalacyi pravaparušalnikaŭ HUUS Minharvykankama.
Što cikava, zhodna ź infarmacyjaj z baz, jakoj z nami padzialilisia «Kibierpartyzany», inšaj pracy ŭ Šapiećki da Akreścina i nie było.
Ihar Kieniuch u žniŭni 2020-ha ŭznačalvaŭ izalatar časovaha ŭtrymańnia HUUS Minharvykankama. Pa infarmacyi śviedak, jon naŭprost byŭ datyčny da žorstkaha abychodžańnia z zatrymanymi. Taksama jon imknuŭsia paŭpłyvać na pracu miedykaŭ, zahadvajučy prybrać z Akreścina «niadobranadziejnych» daktaroŭ, jakija dazvalajuć sabie spačuvać źniavolenym.
Pa słovach adnaho z zatrymanych, jakoha ŭ 2021 hodzie schapili za toje, što jon uklučyŭ pad ścienami izalatara ŭ svajoj Tesla pieśniu «Razbury turmy mury», Kieniuch pahražaŭ jamu zhvałtavańniem dubinkaj. «Rakam jaho! I da «pieŭniaŭ» u kamieru jaho! Zaraz ciabie vy*buć dva niamytyja zeki!», «Tabie p*ździec! Ja ciabie zhnaju ŭ turmie», — pahražaŭ jon mužčynu.
Pa infarmacyi «Kibierpartyzanaŭ», Ihar Kieniuch pačynaŭ svaju pracu ŭ siłavym aparacie z učastkovaha Partyzanskaha RUUS u Minsku. Paśla byŭ dziažurnym u RUUS Zavodskaha rajona. A da taho, jak nadzieć formu, byŭ zaniaty ŭ Miłašavickim lashasie.
Asobna ŭ ścienach Akreścina prasłaviŭsia čałaviek, jaki nie byŭ na kirujučych pasadach — Jaŭhien Urubleŭski. «Samy žorstki karnik z supracoŭnikaŭ» — mienavita tak apisvali svaje ŭražańni ad sutyknieńnia z hetym čałaviekam roznyja biełarusy. Pry tym što ŭ 2020 hodzie Urubleŭskamu było tolki 24 hady.
«Byŭ i adzin sumna viadomy piersanaž — Jaŭhien Urubleŭski. Jašče da suda ŭ adnoj žančyny mocna baleła hałava, jana paprasiła tabletku; chtości paprasiŭ tualetnaj papiery. Dyk jon tak razzłavaŭsia, pačaŭ chamić. Potym Urubleŭski vyvieŭ hetuju žančynu ŭ inšy pakoj i ŭdaryŭ hałavoj ab ścianu. Ja biła rukami ŭ dźviery, adbiła dałoni. Ja jamu adpaviedna adkazała, bo nie mahła strymacca. Jon i na mianie zamachvaŭsia, ale pobač byli inšyja supracoŭniki, dyk da ŭdaru sprava nie dajšła», — raskazvała pra jaho byłaja vykładčyca Linhvistyčnaha ŭniviersiteta, palitźniavolenia Natalla Dulina.
Voś jašče niekalki śviedčańniaŭ ad biełarusaŭ sa spravazdačy Mižnarodnaha kamiteta pa rasśledavańni katavańniaŭ u Biełarusi:
«My stajali na kaleniach, ruki za hałavu, a hety Ženia ŭvieś čas nas biŭ»; «Hety Jaŭhien supravadžaŭ nas z kamiery, harłapaniŭ na ŭsich matam i biŭ dručkom, kali niechta nie stajaŭ, utknuŭšysia ŭ ścianu».
Dzie ž raniej pracavaŭ Urubleŭski da taho, jak stać kamandziram adździaleńnia ŭ Centry izalacyi pravaparušalnikaŭ? Jak ni dziŭna — taksama ŭ atačeńni ludziej — naprykład, u kafe «Haraž» i ŭ kramie.
Usie hetyja ludzi znachodziacca pad sankcyjami i abvieščanyja ŭ mižnarodny vyšuk za złačynstvy, źviazanyja z pazbaŭleńniem voli čałavieka i ździejśnienyja z asablivaj žorstkaściu.
«Naša Niva» — bastyjon biełaruščyny
PADTRYMAĆ
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary
Było b cikava pahladzieć na fotazdymki ich z macsietak ich rodzičaŭ