Alaksandr Łukašenka 7 žniŭnia pravioŭ naradu, pryśviečanuju dziejnaści Kamiteta dziaržaŭnaj biaśpieki. Hałoŭnaj pryčynaj sustrečy jon nazvaŭ paharšeńnie vajenna-palityčnaj abstanoŭki vakoł krainy, paviedamlaje «Minskaja praŭda».
— Naściarožvaje, što vielmi kiepska, ahresiŭna ŭ dačynieńni da Biełarusi nastrojeny našy susiedzi — Polšča i krainy Bałtyi, — skazaŭ jon. — Cisk ažyćciaŭlajecca pa ŭsich napramkach. Bolš za ŭsio hety cisk adčuvajuć našy śpiecyjalnyja słužby. Tamu my, ja pierš za ŭsio, nadajom samuju pilnuju ŭvahu pracy KDB i ŭvohule siłavoha błoka.
Padstavaj dla narady stała prapanova staršyni KDB Ivana Cierciela pa ŭdaskanaleńni pracy viedamstva. Pavodle słoŭ Łukašenki, analiz prablem 2020 hoda vyjaviŭ słabyja miescy ŭ struktury, i jany pavinny być likvidavanyja.
Dla pravierki i analizu prapanoŭ staršyni KDB Łukašenka daručyŭ Radzie biaśpieki pravieści ekśpiertnuju acenku.
— Takija prapanovy i zaklučeńni byli ŭniesieny (z boku Rady biaśpieki). Tym nie mienš, pakolki heta śpiecyfičnaja słužba, śpiecsłužba, u vuzkim kole ź ludźmi, jakija kaliści pracavali ŭ KDB, ja vyrašyŭ pahladzieć na hetyja prapanovy. Spadziajusia, što my abjektyŭna abmiarkujem hetu temu i pryjdziem da adpaviednaj vysnovy, — adznačyŭ jon
Łukašenka skazaŭ: finansavańnie KDB skaračacca nie budzie. Naadvarot, za kankretnyja vyniki supracoŭniki pavinny atrymlivać hodnuju apłatu, navat zvyš praduhledžanaha.
«Tut jakraz hrošaj škadavać nie treba dla tych, chto pracuje ŭ KDB. Hrošaj čekistam škadavać nie treba za kankretnyja vyniki. My tut adładzili hetuju sistemu. Ja zaŭsiody paśla peŭnych apieracyj jaho papiaredžvaju, što chłopcy, jakija zarabili hetyja hrošy, pavinny ich atrymać, navat zvyš taho», — skazaŭ jon
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary
Niaŭžo situacyja imkniecca stać "iak tady"?