Аляксандр Лукашэнка 7 жніўня правёў нараду, прысвечаную дзейнасці Камітэта дзяржаўнай бяспекі. Галоўнай прычынай сустрэчы ён назваў пагаршэнне ваенна-палітычнай абстаноўкі вакол краіны, паведамляе «Мінская праўда».
— Насцярожвае, што вельмі кепска, агрэсіўна ў дачыненні да Беларусі настроены нашы суседзі — Польшча і краіны Балтыі, — сказаў ён. — Ціск ажыццяўляецца па ўсіх напрамках. Больш за ўсё гэты ціск адчуваюць нашы спецыяльныя службы. Таму мы, я перш за ўсё, надаём самую пільную ўвагу працы КДБ і ўвогуле сілавога блока.
Падставай для нарады стала прапанова старшыні КДБ Івана Церцеля па ўдасканаленні працы ведамства. Паводле слоў Лукашэнкі, аналіз праблем 2020 года выявіў слабыя месцы ў структуры, і яны павінны быць ліквідаваныя.
Для праверкі і аналізу прапаноў старшыні КДБ Лукашэнка даручыў Радзе бяспекі правесці экспертную ацэнку.
— Такія прапановы і заключэнні былі ўнесены (з боку Рады бяспекі). Тым не менш, паколькі гэта спецыфічная служба, спецслужба, у вузкім коле з людзьмі, якія калісьці працавалі ў КДБ, я вырашыў паглядзець на гэтыя прапановы. Спадзяюся, што мы аб’ектыўна абмяркуем гэту тэму і прыйдзем да адпаведнай высновы, — адзначыў ён
Лукашэнка сказаў: фінансаванне КДБ скарачацца не будзе. Наадварот, за канкрэтныя вынікі супрацоўнікі павінны атрымліваць годную аплату, нават звыш прадугледжанага.
«Тут якраз грошай шкадаваць не трэба для тых, хто працуе ў КДБ. Грошай чэкістам шкадаваць не трэба за канкрэтныя вынікі. Мы тут адладзілі гэтую сістэму. Я заўсёды пасля пэўных аперацый яго папярэджваю, што хлопцы, якія зарабілі гэтыя грошы, павінны іх атрымаць, нават звыш таго», — сказаў ён
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары
Няўжо сітуацыя імкнецца стаць "як тады"?