U Pinskim rajonie abviaścili karancin z-za źjaŭleńnia niebiaśpiečnaha škodnika — amierykanskaha biełaha matylka. Jak paviedamlaje Pinski harvykankam, abmiežavańni ŭviedzienyja ŭ niekalkich nasielenych punktach: Dobraja Vola Aśniežyckaha sielsavieta, Knubava Pleščyckaha sielsavieta i Pinkavičy Pinkavickaha sielsavieta.
U suviazi z hetym uładalnikam ziamielnych učastkaŭ — jak pryvatnym asobam, tak i arhanizacyjam — rekamiendujecca pravieryć svaje terytoryi i pryniać miery pa źniščeńni škodnika.
Amierykanski bieły matylok (biełakryłka) vielmi škodny: jaho vusieni jaduć bolš za 230 vidaŭ raślin, u tym liku jabłyni, hrušy, arechi, čarešniu, klony i inšyja. Tolki chvojnyja drevy jamu nie cikavyja. Adna samka moža adkłaści da tysiačy jajek, tamu raspaŭsiudžvajecca matylok vielmi chutka.
Kali vy zaŭvažyli na svaim učastku hniozdy z vusieniami, ich treba nieadkładna zrezać i źniščyć ahniom.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary